Михалев Петр Иванович

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Михалев Петр Иванович — Саха сиригэр гражданскай сэрии актыыбынай кыттыылааҕа.

Олоҕун кэрчиктэрэ[уларыт | биики-тиэкиһи уларытыы]

  • 1889 сыллаахха Сунтаар улууһугар Түбэй нэһилиэгэр төрөөбүт. Сунтаар икки кылаастаах училищетын үөрэнэн бүтэрбит.
  • 1912 сыллаахха Иркутскай куоракка учууталлар семинарияларын бүтэрбит.
  • 1912—1917 сылларга Сунтаарга училищеҕа учууталлаабыт.
  • 1918—1920 сылларга Бүлүү уокуругун кооператордара холбоһуктаах «Вилюйсоюз» Председателинэн үлэлиир.
  • 1922 сылтан үрүҥнэри утары охсуһар кыһыл этэрээттэри тэрийбит. Үөһээ Бүлүүгэ дружинаны тэрийэр туһуттан Бүлүү куоратыттан окрисполком чилиэнэ Михалев Петр Иванович кэлэн Кардашевскай Руф Ивановичтыын, Павлов Андрей Петровичтыын, Дягилев Андрей Алексеевичтыын, Овчинников Яков Захаровичтыын тэрийбитэ биллэр.
  • 1924—1926 сыллардаахха Москваҕа Свердлов аатынан коммунистическай университеты үөрэнэн бүтэрэр.
  • 1926—1931 сыллардаахха "Холбос" потребкооперация Дьокуускайдааҕы Сойууһун председателинэн үлэлиир. ЯЦИК, партия обкомун, обком бюротун чилиэнинэн талыллар.
  • 1931—1934 сыллардаахха Саха АССР ВЦИК-кэ бастайааннай бэрэстэбиитэлинэн үлэлиир.
  • 1934 сыллаахха Москваҕа промышленнай академияҕа үөрэххэ ыыталлар. Доруобуйатын туругунан дойдутугар төннөн кэлэр уонна олоҕун ттиһэх сылларыгар диэри Главсевморпуть эппиэттээх үлэһитинэн үлэлиир.
  • 1944 сыллаахха өлбүтэ.