Михайлова Марта Георгиевна

Бикипиэдьийэ диэн сиртэн ылыллыбыт
Перейти к навигации Перейти к поиску
Михайлова Марта Георгиевна

Михайлова Марта Георгиевна — филология билимнэрин кандидата, СГУ профессора. Саха Сирин суруйааччыларын сойууһун чилиэнэ.

Олоҕун олуктара[уларыт | биики-тиэкиһи уларытыы]

Мэҥэ Хаҥаласка Майаҕа 1938 с. кулун тутар 17 күнүгэр төрөөбүт. Орто оскуоланы Дьокуускайга бүтэрбит (№ 9). 1961 с. СГУ гуманитарнай факультетын нуучча тылын уонна литературатын салаатын бүтэрбит.

Үөрэнэ сылдьан уопсастыбаннай улэҕэ күргүөмнээхтик кыттыбыта, хомсомуолга үлэлээбитэ, суруналыыстыкаҕа холоммута, устудьуон наукаҕа уопсастыбатыгар кыттыбыта. Сталин, онтон Ленин стипендиата этэ, «Молодежь Якутии» өрөспүүбүлүкэ хаһыатыгар устудьуоннар салааларын ыыппыта, Саха Сирин комсомолун обкомун бюротун чилиэнэ этэ.

Үөрэҕин бүтэрэн баран нуучча уонна омук литератууратын кафедратыгар ассистенынан анаммыта. Биир сылынан 1962 с. «История русской литературы» специальноска аспирантуураҕа киирбитэ, онтун бүтэрэн баран, с 1965 с. кафедратыгар салгыы үлэлээбитэ. 1971 с. МГУ нуучча историятын кафедратыгар стажировкаламмыта, 1972 с. кандидат диссертациятын «Поэзия сибирской ссылки 80—90-х годов XIX века» тиэмэҕэ көмүскээбитэ.

1982—1987 сс. нуучча уонна омук литератууртын кафедратын сэбиэдиссэйэ. 1995 с. алтынньытыгар кафедра профессорынан бигэргэммитэ.

Кэргэнэ биллиилээх поэт Алексей Михайлов.

Наҕараадалара уонна ытык ааттара[уларыт | биики-тиэкиһи уларытыы]

  • ССРС үрдүкү үөрэхтээһинин туйгуна
  • Саха Өрөспүүбүлүкэтин культуратын үтүөлээх үлэһитэ (1998)

Сигэлэр[уларыт | биики-тиэкиһи уларытыы]

  • Национальнай библиотека сайта