Михайлова Александра Николаевна

Бикипиэдьийэ диэн сиртэн ылыллыбыт

Михайлова Александра Николаевна (1932 с, муус устар 15 күнэ, Дьаархан нэһилиэгэ, Сунтаар оройуона, Саха АССР2010 с.), нуучча тылын уонна литературатын учуутала, үлэ, тыыл бэтэрээнэ, Дьаархан нэһилиэгин бочуоттаах олохтооҕо.

Олоҕун олуктара[уларыт | биики-тиэкиһи уларытыы]

Михайлова Александра Николаевна 1932 сыллаахха Сунтаар оройуонун Дьаархан нэһилиэгэр төрөөбүтэ. Сунтаар орто оскуолатын интернатыгар олорон 10 кылааһы бүтэрэн баран Дьаархан, Кириэстээх оскуолаларыгар үлэлээбитэ. 1954 сыллаахха Дьокуускайдааҕы государственнай университекка нуучча тылын салаатыгар кэтэхтэн үөрэнэр. 1959 сыллаахха СГУ-ну бүтэрэн, үөрэммит, үлэлээбит оскуолатыгар нуучча тылын уонна литературатын учууталынан, завуһунан пенсияҕа тахсыар диэри бэриниилээхтик үлэлээбитэ. Кини үөрэтэр кэмигэр элбэх факультативтар үлэлииллэрэ, ол куруһуоктарга элбэх оҕо нуучча тылыгар уһуйуллубуттара, дьаныардаахтык дьарыктаммыттара.

Учууталларын утумнаан, кини элбэх үөрэнээччилэрэ нуучча тылын учууталын идэтин талбыттара. Нуучча тылын учуутала буоларга төһүү күүс буолбут, олук уурбут киһинэн учууталлара Александра Николаевна Михайлова буоларын, кини бэйэтин предметин толору баһылаабыт, табыгастаах методиканы тутуһан, хас биирдии оҕоҕо тус сыһыан олохтоон ( индивидуальный подход) үөрэтэрин үөрэнээччилэрэ ахталлар. Ону таһынан сатабыллаах иитээччи, күүстээх организатор, активнай общественник быһыытынан ытыктыылларын нэһилиэгин үрдүк наҕараадатын - "Дьаархан нэһилиэгин бочуоттаах гражданина" аатын иҥэриитэ туоһулуур.[1][2]

Наҕараадалара, ытык ааттара[уларыт | биики-тиэкиһи уларытыы]

  • Тыыл бэтэрээнэ
  • Үлэ бэтэрээнэ
  • Сунтаар улууһун Дьаархан нэһилиэгин бочуоттаах олохтооҕо
  • Сунтаар оройуонун үөрэҕириитин салаатын, народнай депутаттар олохтоох Сэбиэттэрин бочуотунай грамоталара, махтал суруктара[3]

Аатын үйэтитии[уларыт | биики-тиэкиһи уларытыы]

  • Оскуола оҕолорун улуу нуучча тылыгар умсугутар сыаллаах Дьаархан орто оскуолатыгар 2010 сыллаахтан учуутал Михайлова А.Н. аатынан Грант нуучча тылыгар уонна литературатыгар үрдүк ситиһиилээх үөрэнээччилэргэ туттарыллар.

Быһаарыылар[уларыт | биики-тиэкиһи уларытыы]

  1. “Үөрэммит оскуолатыгар учууталлаабыта» Сунтаар улууһа Дьаархан- төрүт саха нэһилиэгэ. 176-177с.
  2. Кутукова С. «Куруук инники күөҥҥэ сылдьарбыт» // Сунтаар сонуннара. - 2010.- алтынньы 19 к.- (N 125).- С.2
  3. Иванова (Попова) Е.Э. Күнду учууталбар махтал

Сигэлэр[уларыт | биики-тиэкиһи уларытыы]