Мамонтов Константин Меркурьевич

Мамонтов Константин Меркурьевич (1949–2022) — муосчут, педагог, СӨ народнай худуоһунньуга, РФ үтүөлээх худуоһунньуга, СӨ үтүөлээх дьайыксыта, Бүлүү уонна Сунтаар улуустарын Ытык киһитэ.

1949 сыллаахха сэтинньи 24 күнүгэр^[1] (сорох сиргэ сэтинньи 20 дииллэр^[2]) Сунтаар оруйуонун Сиэйэ сэлиэнньэтигэр элбэх оҕолоох ыалга 15-с оҕонон төрөөбүт.

1975 с. Дьокуускайдааҕы уус-уран училищены бүтэрбит. Уһуйааччылара биллэр муосчуттар С. Н. Пестерев уонна Н. Д. Амыдаев.

Училище кэнниттэн Дьокуускайга «Сардаана» фабрикаҕа, онтон Магадааҥҥа сувенир фабрикатыгар үлэлээбит.

Уруһуй, черчение уонна туруут учууталынан өрөспүүбүлүкэ элбэх оскуолаларыгар үлэлии сылдьыбыта. Бүлүү куоракка оҕо уус-уран оскуолатын арыйбыта. 1991 сыллаахха Новосибирскайдааҕы пединиститут художественно-графическай факультетын бүтэрбитэ.

1990 сыллаахха Нерюнгригэ тус быыстапката буолбут. Нерюгри түмэлэ кини икки үлэтин атыыласпыт: «Уже дома» уонна «Мамонтенок».

1992–1994 сс. Красноярскайга Художество акадьыамыйатын салаатын скульптура мастерскойугар стажировка барбыта. Уһуйааччылара профессордар Л.Н. Головницкай уонна Ю. П. Ишханов.

АГИКИ-га муостан уус-уран кыһыы куурсун ыытар этэ. 2005 сыллаахха Финляндия Саами эрэгийиэнин ыҥырыытынан кэргэнинээн Л. Н. Мамонтовалыын фиин уһуйааччыларын уонна устудуьоннарын декоративно-прикладной ускуустубаҕа үөрэппиттэрэ.

2022 сыллаахха ыам ыйын 24 күнүгэр уһун ыарахан ыарыыттан өлбүт^[3].

Өйдөбүнньүк

2024 сыллаахха Дьокуускайга Кыраайы үөрэтэр түмэлгэ 75 сааһыгар анаан «Алгыстаах ааттаах муосчут Константин Мамонтов» диэн быыстапка тэриллибитэ^[1].

Быһаарыылар

1 2 В Якутске открылась выставка к 75-летию со дня рождения народного художника Константина Мамонтова
↑ Нерюнгри түмэлин саайта, «Мастер древнейшего декоративно-прикладного искусства Русского Севера Мамонтов К.М.» https://www.museum-neru.ru/169-master-drevnejshego-dekorativno-prikladnogo-iskusstva-russkogo-severa-mamontov-km-.html
↑ Ушел из жизни народный художник Якутии Архыыптаммыт 2022, Бэс ыйын 4 күнүгэр., Сахалайф

[:0-1] 1 2 В Якутске открылась выставка к 75-летию со дня рождения народного художника Константина Мамонтова

[2] Нерюнгри түмэлин саайта, «Мастер древнейшего декоративно-прикладного искусства Русского Севера Мамонтов К.М.» https://www.museum-neru.ru/169-master-drevnejshego-dekorativno-prikladnogo-iskusstva-russkogo-severa-mamontov-km-.html

[3] Ушел из жизни народный художник Якутии Архыыптаммыт 2022, Бэс ыйын 4 күнүгэр., Сахалайф

[1]

[2]

[3]