Луидор

Бикипиэдьийэ диэн сиртэн ылыллыбыт
Людовика XVI луидора, 1789

Луидо́р (фр. louis d'or — кыһыл көмүс луи) — XVII—XVIII үйэлэргэ быһылла сылдьыбыт Франция кыһыл көмүс маньыата.

Аан бастаан Людовик XIII ыраахтааҕы саҕана, 1640 с., тахсыбыта. Төрүтүнэн Испания дублона эбит, Францияҕа кинилэри пистоль диэн ааттыыр эбиттэр. Өр кэмҥэ пистоль да, луидор биир синоним эбиттэр. Луидор кыһыл көмүс 917 пробатыттан быһыллар эбит, ыйааһына 6,751 г., диаметра — 26 мм. Ону таһынан луидор аҥаара, 2, 4, 8 уонна 10 луидор баар эбит. XVIII үйэ саҕаланыытыгар луидор ыйааһына 8,158 г дылы улааппыт; кэлин ыйааһына уонна диаметра хаста даҕаны уларыйа сылдьыбыттар. Муҥутаан 9,79 г. дылы ыарыы сылдьыбыт.

Луидоры Франция Улуу революциятыгар уонна десятичнай системаҕа көһүөхтэригэр дылы быһа сылдьыбыттар: 1795 с. сүрүн харчынан франк буолбут. Ол да буоллар луидоры 1803 с. дылы быспыттар, наполеондор диэн харчынан солбуйуохтарыгар дылы.[1]

Быһаарыылар[уларыт | куодун уларытыы]

Сигэлэр[уларыт | куодун уларытыы]

  • Луи или луидор // Энциклопедический словарь Брокгауза и Ефрона: В 86 томах (82 т. и 4 доп.). — СПб., 1890—1907. (нууч.)