Кэскил - Юность Севера

Бикипиэдьийэ диэн сиртэн ылыллыбыт

Кэскил - Юность севера, оҕолорго аналлаах хаһыат.

"Бэлэм Буол" бастакы нүөмэрэ 1936 сыл ыам ыйын 15 күнүгэр тахсыбыта.

Бастакы редакторынан поэт Архип Георгиевич Кудрин — Абаҕыыныскай анаммыта. Киниэхэ көмөлөһөөччүннэн баартыйа үлэһитэ Георгий Багынанов үлэлээбитэ.

Бастакы нүөмэргэ Тойбохой эдэр натуралисттар суруктара бэчээттэммитэ, бу суругу баһаатайдара Бессонов Г. Е. ыыппыта. Ону тэҥэ уобаластааҕы баартыйа, сэбиэттэр. хомсомуол тэрилтэлэрин салайааччыларын эҕэрдэлэрэ бэчээттэммит. Иккис балаһаҕа Суорун Омоллоон "Киристэпиэл" пьесата бэчээттэммит.

Ити кэнниттэн Владимир Михайлович Новиков — Күннүк Уурастыырап, Гаврил Павлович Тихонов редактордаабыттара. Оттон сэрии иннинээҕи редакторынан Никифор Кирикович Седалищев — Дьүөгэ Ааныстыырап этэ. 1941 сыллаахха бэс ыйын 27 күнүгэр «Бэлэм буол» бүтэһик 277-с нүөмэрин таһаарбыта. Манан хаһыат үлэтэ тохтообута. Никифор Кирикович ити кэнниттэн сэриигэ барбыта. Кыргыһыы хонуутугар 1944 сыллаахха өлбүтэ.

Партийнай-комсомольскай органнар уураахтарынан «Бэлэм буол» хаһыат 1959 сыл тохсунньу 1 күнүттэн иккистээн тахсар буолбута. Хаһыат 278 нүөмэринэн сэрии иннинээҕини салгыыр курдук бэчээттэммитэ.

ССКП обкуома эрэдээктэринэн Секлетея Курчатованы анаабыта. Кини кэнниттэн 50 сыл устата Нина Протопопова эрэдээктэрдээбитэ. Эппиэттээх сэкирэтээринэн фронтовик бэйиэт Иннокентий Эртюков, литэрэтиирэ салаатын Николай Мординов — Амма Аччыгыйа салайан үлэлээбиттэрэ.

1990 сылтан «Кэскил» диэн ааттаах, ону таһынан нууччалыы «Юность Севера» диэн тахсар.

Ылыллыбыт сирэ[уларыт | биики-тиэкиһи уларытыы]