Бессонов Георгий Евдокимович

Георгий Евдокимович Бессонов
Үлэтэ:	Тойбохой орто оскуолатын учуутала
Төрөөбүт күнэ:	18 атырдьах ыйын 1915({{padleft:1915|4|0}}-{{padleft:8|2|0}}-{{padleft:18|2|0}})
Төрөөбүт сирэ:	Үөһээ Бүлүү, Саха уобалаһа
Дойдута:	Россия империята Россия империята → ССРС ССРС → Арассыыйа Арассыыйа
Өлбүт күнэ:	4 алтынньы 2005({{padleft:2005|4|0}}-{{padleft:10|2|0}}-{{padleft:4|2|0}}) (90 сааһыгар)
Наҕараадалара:

Георгий Евдокимович Бессонов (18.08.1915, Үөһээ Бүлүү — 04.10.2005) — РСФСР оскуолатын үтүөлээх учуутала, Социалистическай Үлэ Геройа.

Олоҕун олуктара

• 1915 сыл атырдьах ыйын 18 күнүгэр Үөһээ Бүлүү сэлиэнньэтигэр төрөөбүт.
• 1932 сыллаахха Бүлүүтээҕи педагогика техникумун бүтэрэн баран, Сунтаар улууһун Сиэйэ оскуолатыгар учууталлаабыт.
• 1936 сыллаахха Тойбохой оскуолатыгар биология учууталынан анаммыт, кыраайы үөрэтэр түмэли тэрийбит. Кини тэрийбит биологияны үөрэтэр кабинета, айылҕа муннуга, оскуола түмэлэ, ботаника сада, дендрарий, кыһыҥҥы сад уонна да атын тэриллэр киһини сөхтөрөр этэ.
• 1968 сыллаахха кини Бүтүн Сойуустааҕы учууталлар сийиэстэрин делегатынан талыллыбыт.
• Түөрт төгүл ВДНХ кыттыылааҕа.

ССРС Үрдүкү Сүбэтин Президиумун 1968 сыл от ыйын 1 күнүнээҕи Ыйааҕынан үөрэнээччилэри үөрэхтээһиҥҥэ уонна иитээһиҥҥэ улахан өҥөлөрүн иһин Бессонов Георгий Евдокимовичка Социалистическай Үлэ Геройун үрдүк аата иҥэриллибитэ. Ленин уордьана уонна «Сиэрпэ уонна Балта» Көмүс мэтээл туттарыллыбыттара.

• Сунтаар улууһун Тойбохойугар олорбута. 2005 сыл алтынньы 4 күнүгэр өлбүт.

Наҕараадалара уонна ааттара

• Социалистическай Үлэ Геройа (1968)
• Икки Ленин уордьана (1968; ?)
• Үлэ Кыһыл Знамятын уордьана
• К. Д. Ушинскай мэтээлэ
• ВДНХ Улахан кыһыл көмүс уонна Үрүҥ көмүс мэтээллэрэ
• РСФСР оскуолатын үтүөлээх учуутала
• Саха АССР оскуолатын үтүөлээх учуутала
• Саха АССР норуотун хаһаайыстыбатын үтүөлээх үлэһитэ
• Саха Өрөспүүбүлүкэтин ытык киһитэ (2001)
• Сунтаар улууһун ытык киһитэ

Аатын үйэтитии

• Г. Е. Бессонов аата иҥэриллибит:

Тойбохой орто оскуолатыгар;

Тойбохой историяны уонна кыраайы үөрэтэр түмэлигэр (2005).

• 2006 сылтан Г. Е. Бессонов аатынан Саха Өрөспүүбүлүкэтин Государственнай бириэмийэтэ олохтоммут. Бириэмийэ сыл аайы кыраайы үөрэтиигэ, экология культуратын иитээһиҥҥэ үрдүк ситиһиилээх биология, экология учууталларыгар, педагогтарыгар туттарыллар.

Өссө маны көр

• Социалистическай Үлэ Геройдарын тиһигэ (Саха Сирэ)
• Саха Сирин ытык дьоно

Сигэлэр

 Бессонов Георгий Евдокимович. Cитим-сир «Герои Страны».

• Бессонов Георгий Евдокимович — Энциклопедия «Лучшие люди России» Архыыптаммыт 2016, Кулун тутар 8 күнүгэр.
• Знаменательные даты и события -> Памятные даты -> 2005 год -> Август
• Бессонов Георгий Евдокимович// Энциклопедия ЯСИА
• В. С. Иванова (Зверева). 90 лет со дня рождения Г. Е. Бессонова, Героя Социалистического Труда.