Кулаковскай Роман Федорович

Бикипиэдьийэ диэн сиртэн ылыллыбыт
Перейти к навигации Перейти к поиску

Кулаковскай Роман Федорович (1889-1939) - саха уопсастыбаннай уонна судаарыстыбаннай диэйэтэлэ.

Боотур Уус улууһун Сиэллээх нэһилиэгэр сэниэ ыалга төрөөбүтэ. Реальнай училище 4 кылааһын бүтэрэн баран, 1911-17 сылларга улууһугар суруксуттаабыта. 1912 сыллаахха Сахалар сийиэстэрин кыттыылааҕа. Сэбиэскэй былааһы олохтооһуҥҥа кыттыбыта. 1922 сылтан араас эппиэттээх дуоһунастарга үлэлээбитэ, биир кэмҥэ ис дьыала наркома буола сылдьыбыта. Саха сирин Киин ситэриилээх кэмитиэтин бары сийиэстэрин кыттыылааҕа (1938 сылга дылы).

1924 сыллаахтан хомуньуус баартыйа чилиэнигэр хандьыдаат этэ. 1927 сыллаахха урут кэтэх хаһаайыстыбатыгар 70-ча сүөһүлээх, хамначчытардаах этэ диэн донуоһунан баартыйаттан уһуллар.

Саха автономиятын Киин быыбардыыр хамыыһыйатын бастакы бэрэстээтэлэ этэ.

Кэргэнэ Говорова Варвара Иннокентьевна, дьахталлар хамсааһыннарын көхтөөх кыттыылааҕа, Дьокуускайга маҥнайгы оҕо саадын сэбиэдиссэйэ.

Роман Кулаковскай 1938 сыллаахха репрессияҕа түбэспитэ, 10 сыл хаайыыга ыытыллыбыта, 1939 сыллаахха Эһэ Хайа лааҕырыгар өлбүтэ[1].

Быһаарыылар[уларыт | биики-тиэкиһи уларытыы]

  1. Слепцов Н.М. Сэдэх хаартыска туһунан. Күрүлгэн. 2012