Краснояров Клавдий Карпович

	Краснояров Клавдий Карпович
Төрөөбүт күнэ	12 бэс ыйын 1907
Төрөөбүт сирэ	Исаковка д., Горьковскай оройуон, Омскай уобалаһа, Россия империята
Өлбүт күнэ	24 балаҕан ыйын 1943 (36 сааһыгар)
Өлбүт сирэ	Большая Листвень д., Городнянскай оройуон, Украина
Сулууспалаабыт дойдута	ССРС
Сулууспалаабыт сыллара	1943
Солото	Рядовой
Чааһа	1181-с СП, 356-с СД
Кыргыһыылар/сэриилэр	Аҕа дойду Улуу сэриитэ Днепр иһин кыргыһыы;

Краснояров Клавдий Карпович (12.06.1907, Исаковка д., Омскай уобалаһа — 24.09.1943, Большая Листвень д., Украина) — Аҕа дойду Улуу сэриитин кыттыылааҕа, Сэбиэскэй Сойуус Геройа (1944).

Олоҕун олуктара

1907 сыллаахха ыам ыйын 30 (бэс ыйын 12) күнүгэр Исаковка дириэбинэҕэ (билиҥҥи Омскай уобалас, Горьковскай оройуон) бааһынай дьиэ кэргэнигэр төрөөбүт. Омугунан нуучча.

Бастакы сүһүөх оскуоланы бүтэрбит, колхозка үлэлээбит.

1931 сылтан Дьокуускайга олорбут, ЛОРП тэрилтэтигэр үлэлээбит.

1943 сыл олунньутугар Дьокуускай военкоматынан Кыһыл Аармыйаҕа ыҥырыллыбыт, ити сыл муус устарыттан Брянскай уонна Киин фроннарга сэриилэспит.

1943 сыл балаҕан ыйын 23 күнүгэр 1181-с стрелковай полк ытааччыта, кыһыл армеец Клавдий Краснояров Большая Листвень дэриэбинэ (билиҥҥи Чернигов уобалаһа, Городнянскай оройуон, Великий Листвен дэриэбинэ) иһин кыргыһыыга, бойобуой ботуруоннара бүтэн, бэйэтинэн өстөөх дзотун ытар чуолҕанын саппыт.

Герой Клавдий Краснояров Городнянскай оройуон Великий Листвен дэриэбинэтин кылабыыһатыгар көмүллүбүт^[1]^[2].

ССРС Үрдүкү Сүбэтин Президиумун 1944 сыл тохсунньу 15 күнүнээҕи Ыйааҕынан Чернигов уобалаһын босхолооһуҥҥа хорсун уонна геройдуу быһыытын иһин кыһыл армеец Клавдий Карпович Краснояровка өлбүтүн кэннэ Сэбиэскэй Сойуус Геройун аата иҥэриллибитэ^[3].

Наҕараадалара

«Кыһыл көмүс Сулус» мэтээл (15.01.1944)^[4]^[5]
Ленин уордьана (15.01.1944)

Аатын үйэтитии

Герой аатынан Дьокуускайга уулусса ааттаммыт.

Быһаарыылар

↑ Информация в электронном банке документов ОБД «Мемориал»
↑ Информация в электронном банке документов ОБД «Мемориал»
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.
↑ Наградной лист в электронном банке документов «Подвиг Народа»
↑ Указ Президиума Верховного Совета в электронном банке документов «Подвиг Народа»

Сигэлэр

Краснояров Клавдий Карпович. Cитим-сир «Герои Страны».

Якутяне - Герои Советского Союза и Российской Федерации кавалеры ордена Славы 3-х степеней

[1] Информация в электронном банке документов ОБД «Мемориал»

[2] Информация в электронном банке документов ОБД «Мемориал»

[3] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.

[4] Наградной лист в электронном банке документов «Подвиг Народа»

[5] Указ Президиума Верховного Совета в электронном банке документов «Подвиг Народа»

[1]

[2]

[3]

[4]

[5]