Константинов Фёдор Семёнович

Бикипиэдьийэ диэн сиртэн ылыллыбыт
Перейти к навигации Перейти к поиску

Константинов Фёдор Семёнович (1898 төр.) — Аҕа дойду Улуу сэриитин кыттыылааҕа.

1998 сыллаахха төрөөбүт. Аҕата Адамов Терентий ревком чилиэнэ эбит. 1922 сыллаахха үрүҥнэр өлөрбүттэр. 1929 сыллаахтан холкуостаах.

Аҕа дойду сэриитигэр 44 сааһыгар 1942 сыллаахха ыам ыйыгар ыҥырыллыбыт. Чурапчы, Таатта, Амма оройуонун дьонун кытта Өлүөнэ өрүһүнэн илдьибиттэр. Иркутскайга тиийэн строевой пехотнай чааска үөрэппиттэр. 133 нүөмэрдээх батальон састаабыгар Сталинграадтааҕы фроҥҥа барбыт.

Фёдоров Афанасий Филиппович диэн учуутал үөрэхтээх биир дойдулааҕын алтынньы ортотун саҕана бааһырбытын плащ-балаакканан соһон истэҕинэ өлбүт. Эмиэ нэһилиэгин дьоно Анемподистов Егор Васильевич уонна Атласов Павел эмиэ онно өлбүттэрэ диэн суруйар ахтыытыгар. Иванов Сэмэн (Чэмпээйэп уола диэн тустуук, арааһа атын нэһилиэк киһитэ быһыылаах) эмиэ онно өлбүт. Ахтыытыгар бэтэрээн өссө Догдооноп Михаил (Бөҕө Догдооноп) диэн Болтоҥо киһитин уонна Попов Иван Павлович диэн Кытаанах нэһилиэгин киһитин (улахан күүстээх уол этэ диир) илиилэрэ суох төннүбүттэрэ диэн суруйар. Кыргыһыыга 4 сиринэн бааһыран батальонтан аҕыйах киһи иһигэр тыыннаах ордубут. 1969 сыллаахха суруйбут ахтыытыгар Камышино госпиталыгар Васильев Дмитрий уонна Фомин Гаврил Петрович диэн бэйэтин нэһилиэгин дьонун кытта сыппыттар. Госпитальга 3,5 ый сытан баран 1943 сыллаахха саппаас полкаҕа ыытыллыбыт.

1943 сыл бэс ыйыгар саппаас полканы чаастарынан тарҕаппыттар, кини НКВД пограничнай сэриилэригэр түбэспит. Батальоҥҥа связистаабыт, Курскай тоҕойго, онтон Киин фроҥҥа сэриилэспит. Киев уобалаһынан, Белоруссиянан, Польшанан сылдьыбыт. 1944 с. Варшаваны босхолооһуҥҥа, 1945 сыллаахха Берлиини ылыыга кыттыбыт. «Ыам ыйын саҕаланыытыгар түүн 4 киһини туппутум. Ол иһин Албан Аат III истиэпэннээх уордьан ылбытым», — диэн суруйбут ахтыытыгар. 1945 сыл сайын Эльба өрүс үрдүгэр Буденбург куоракка сайылаабыт.

72 саастааҕар суруттарбыт ахтыытыгар билигин хачыгаардыыбн диэбит. Алта оҕолоох эбит.[1].

Албан аат III ст. уордьанынан наҕараадаламмыт (29.10.1945)[2].

Быһаарыылар[уларыт | биики-тиэкиһи уларытыы]

  1. Г. И. Васильев. Сталинграды көмүскэспит буойуннар. — Дь.: Бичик, 2013. — 126 с. — ISBN 978-5-7696-3880-0
  2. Наградные документы в электронном банке документов «Подвиг Народа»