Константинова Дария Алексеевна

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Константинова Дария Алексеевна, (1927 с. Тойбохой с., Сунтаар оройуона, Саха АССР1993 с.). Саха АССР үтүөлээх учуутала.

Олоҕун олуктара[уларыт | биики-тиэкиһи уларытыы]

1927 с. Тойбохой нэһилиэгэр төрөөбүтэ. 1942 сыллаахха Бүлүүчээҥҥэ 7 кылааһы, 1946 сыл Бүлүүтээҕи педучилищены бүтэрэр. Тойбохой оскуолатыгар учууталынан ананар. Дария Алексеевна бэйэтин сатабылынан, методическай бэлэмнээһининэн, үлэлээбит сылларын устатыгар оскуолатыгар методическай холбоһук солбуллубат салайааччытынан үлэлиирэ. Учууталлар билиилэрин үрдэтэр институт иһинэн тахсар методическай дакылааттара үрдүктүк сыаналаналлара.

Дария Алексеевна төрөппүтэргэ аналлаах лекторийы элбэх сылларга салайбыта. Үөрэппит оҕолоро үрдүкү кылаастарга тахсан куруутун үчүгэйдик үөрэнэллэрэ.

Константинова Д.А. нэһилиэк, оскуола общественнай олоҕор активнай кыттыыны ылара. Партия оройуоннааҕы кэмитиэтин Пленумун чилиэнинэн, нэһилиэк Сэбиэтин дьокутаатынан, лекторскай бөлөх чилиэнинэн үлэлээбитэ. Дария Алексеевна дьиҥ чахчы тыа сирин култуурунай олоҕун сырдатааччы, педагог этэ. [1]

Наҕараадалара уонна ытык ааттара[уларыт | биики-тиэкиһи уларытыы]

Саха АССР оскуолаларын үтүөлээх учуутала[1]

Быһаарыылар[уларыт | биики-тиэкиһи уларытыы]

  1. 1,0 1,1 Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020.

Сигэлэр[уларыт | биики-тиэкиһи уларытыы]