Кладкин Василий Михайлович

Бикипиэдьийэ диэн сиртэн ылыллыбыт
Перейти к навигации Перейти к поиску

Кладкин Василий Михайлович (10.01.1931—27.05.2003) — Социалистическай Үлэ Геройа.

Олоҕун олуктара[уларыт | биики-тиэкиһи уларытыы]

  • 1931 сыллаахха тохсунньу 10 күнүгэр Саха АССР Чурапчы оройуонун Болтоҥо нэһилиэгэр Кындалга төрөөбүт.
  • 1939—1942 сс. — Арыылаах начальнай оскуолатыгар үөрэммит. 1942 с. дьиэ кэргэнин кытта Кэбээйи оройуонугар көспүт.
  • 1944—1947 сс. — Мындаҕаайы орто оскуолатыгар, оҕо дьиэтигэр олорон, үөрэммит.
  • 1947—1950 сс. — Дьокуускайдааҕы финансовай-кредитнай техникумҥа үөрэммит. Бүтэрээт, Томпо оройуонугар ананан үлэлии барбыт.
  • 1950 сыл атырдьах ыйын 14 күнүттэн Томпо оройуонун үбүн салаатыгар үлэлээбит.
  • 1957 сыл ыам ыйын 6 күнүттэн сэтинньи 13 күнүгэр дылы — Томпо оройуонун үбүн салаатын старшай инспектора.
  • 1957—1959 сс. — ЫБСЛКС Томпо оройуонунааҕы райкомугар иккис секретарь.
  • 1959—1960 сс. — ЫБСЛКС Томпо оройуонунааҕы райкомугар бастакы секретарь.
  • 1960 сыл тохсунньу 25 күнүттэн — Томпо оройуонун Жданов аатынан колхоз бэрэссэдээтэлэ.
  • 1970 сыл тохсунньу 1 күнүттэн — «Томпо» совхозка Томпо отделениетын салайааччыта.
  • 1974 сыл олунньу 26 күнүттэн — табаны иитэр «Томпо» совхоз директора.
  • 1974—1979 сс. — Саха государственнай университетыгар тыа хаһаайыстыбатын салаатыгар «зоотехния» идэтигэр кэтэхтэн үөрэммитэ.
  • 1988 с. — Сан-Францискоҕа (АХШ) үөрэммит.

Тыа хаһаайыстыбатыгар үрдүк ситиһиилэрин иһин ССРС Үрдүкү Сүбэтин Президиумун 1990 сыл атырдьах ыйын 27 күнүнээҕи Ыйааҕынан Кладкин Василий Михайловичка Социалистическай Үлэ Геройун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт[1].

  • 1994 сыл муус устар 13 күнүттэн — «Томпо» таба иитэр община бэрэссэдээтэлэ.
  • 1997 с. — Аляска Анкоридж куоратыгар (АХШ) үөрэммит.
  • 1999 сыл от ыйын 27 күнүттэн — СПК (фактория) «Томпо» директора.
  • 2003 сыллаахха ыам ыйын 27 күнүгэр Дьокуускайга өлбүт.

Наҕараадалара уонна ытык ааттара[уларыт | биики-тиэкиһи уларытыы]

  • «Бочуот Знага» уордьан (22.03.1966)
  • «Үлэ Кыһыл Знамята» уордьан (08.04.1971)
  • Саха АССР норуотун хаһаайыстыбатын үтүөлээх үлэһитэ (09.12.1972)
  • «Үлэ Кыһыл Знамята» уордьан (10.03.1976)
  • Ленин уордьана (14.12.1984)
  • Социалистическай Үлэ Геройа[2] (1990)
  • Ленин уордьана (27.08.1990)
  • Томпо улууһун Ытык олохтооҕо (1995)
  • Чурапчы улууһун Ытык олохтооҕо (2001)

Өссө маны көр[уларыт | биики-тиэкиһи уларытыы]

Социалистическай Үлэ Геройдарын тиһигэ (Саха Сирэ)

Быһаарыылар[уларыт | биики-тиэкиһи уларытыы]

Сигэлэр[уларыт | биики-тиэкиһи уларытыы]