Исакова Мария Дмитриевна
Исакова Мария Дмитриевна (5.12.1933–) — сэрии оҕото.
Оҕо сааһа
[уларыт | биики-тиэкиһи уларытыы]Уус Алдан оройуонугар Өнөр нэһилиэгэр 1933 сыллаахха ахсынньы ый 5 күнүгэр төрөөбүтэ. Биир ийэттэн, аҕаттан төрөөбүт эдьиийэ Саанньа (Лукачевская Александра Дмитриевна) иккиэлэр. Аҕата Лукачевскай Дмитрий Ионович, ийэтэ Афанасьева Татьяна Семеновна. Ийэтээрдэ эрдэ өлөн хаалбыт, аҕабытынаан сылдьыбыттар. Аҕалара иккистээн кэргэннэнэ сылдьыбыта да арахсыбыттар.
Сэрии кэмэ
[уларыт | биики-тиэкиһи уларытыы]Сэрии кэмигэр аҕалара кыһыны быһа Ааллаах Үүн таһаҕаһын таһа барара. Кыргыттар абаҕаларыгар Сөдүөттээх Балбаара дьиэ кэргэннэригэр хаалаллар эбит. Онтон Өнөр оскуолатын интэринээтигэр олорорбуттар. Хам аччык буолаллара. Туох да ас суох. Сут бөҕө, сэрии бөҕө. Иэдээннээх олох этэ. Оҕо даҕаны, улахан даҕаны дьон өлүүлэрэ элбэҕэ, быһыыта, өлбүт үһү диэн тылы элбэхтэ истибиттэр.
Дьиэ кэргэнэ
[уларыт | биики-тиэкиһи уларытыы]Кыайыы үөрүүтэ умнуллубат. Дьон ытыы-ытыы күлэн-үөрэн айманаллара. Аҕалара кыайыы кэнниттэн кэргэн ылбыт - Протопопова Ульяна Максимовнаны. Онон үс балтыламмыттар уонна үс бырааттаммыттар.
Өнөр сэттэ кылаастаах оскуолатын бүтэрэн, 1954 сыллаахха Дьокуускайдааҕы тыа хаһаайыстыбатын техникумугар үөрэххэ киирбит уонна бүтэрэн «Мастер пошива верхней одежды» диэн исписээлинэс ылбыт. Дьокуускайга үлэҕэ киирбит. 1956 сыллаахха Исаков Гаврил Николаевич диэн киһиэхэ кэргэн тахсыбыта, кини дойдутугар Хаҥалас улууһун Булгунньахтааҕар иккис дойду оҥостон, үйэтин тухары олорор. Элбэх оҕолордоох, сиэннэрдээх, хос сиэннэрдээх.
Литература
[уларыт | биики-тиэкиһи уларытыы]А.С.Черноградскай, В.П.Иванов, Н.Н.Литвинцев, А.Д.Попова Олох өһүөтүн көтөхсөн: сэрии сылларын оҕолоро - Дьокуускай: Алаас, 2020, 552 с.
 |
Бу ыстатыйаны тупсарарга?:
|