Захаров Тимофей Васильевич

Бикипиэдьийэ диэн сиртэн ылыллыбыт
Перейти к навигации Перейти к поиску

Тимофей Васильевич Захаров — Чээбий (1866—1931), аатырбыт олоҥхоһут.

1866 сыллаахха Амма улууһун Эмис нэһилиэгэр төрөөбүтэ. Эдэр сааһыгар Бодойбо көмүс бириискэлэргэ мас кэрдээччинэн үлэлии сылдьан олоҥхоһут быһыытынан киэҥник биллибитэ.

Толорбут олоҥхолорунан буолаллар: Сылгы уола Дыырай Бэргэн, Бэрт Киһи Бэриэт Бэргэн, Күн Эрэли Бухатыыр уонна Алантаайы — Кулантаайы Бухатыыр.

1906 сыллаахха Аммаҕа Васильев В. Н. кини тылыттан Ала Болкуун олоҥхону суруйар.

Биллиилээх олоҥхоһуттар Н. А. Абрамов — Кынат, И. И. Бурнашев — Тоҥ Суорун, Е. Е. Иванова кинини бэйэлэрин үөрэтэччилэринэн ааҕаллара.

Норуот поэта В. М. Новиков — Күннүк Уурастыырап уонна Саха АССР үтүөлээх артыыһа У. Г. Нохсооров бэрт элбэхтик кинини сэҥээрэн истибиттэрэ.

Өссө маны көр[уларыт | биики-тиэкиһи уларытыы]

  • Күннүк Уурастыырап. Хатаппын саҕабын. Дьокуускай, 1972.

Ылыллыбыт сирэ[уларыт | биики-тиэкиһи уларытыы]

  • Энциклопедия Якутии, Якутск, 2000.