Ефремов Прокопий Елисеевич

Прокопий Елисеевич Ефремов
	Прокопий Елисеевич Ефремов
Төрөөбүт күнэ:	22 бэс ыйын 1933
Төрөөбүт сирэ:	Үгүлээт нэһилиэгэ, Бүлүү улууһа
Өлбүт күнэ:	20 тохсунньу 1992 (58 сааһыгар)
Дойдута:	ССРС → Арассыыйа
Билим эйгэтэ:	саха фольклора
Үөрэммит кыһата:	СГУ

Ефремов Прокопий Елисеевич (22.06.1933—20.01.1992) — саха болкулуору чинчийээччитэ, дулгаан болкулуорун хомуйбут тарбахха баттанар дьонтон биирдэстэрэ, ССРС Билимин Академиятын Сибиирдээҕи салаатын үтүөлээх бэтэрээнэ.

Олоҕун олуктара[уларыт | биики-тиэкиһи уларытыы]

1933 сыллаахха бэс ыйын 22 күнүгэр Саха АССР Бүлүү улууһун Үгүлээт нэһилиэгэр төрөөбүт.
1951—1955 сс. — оскуолаҕа учууталлаабыт.
1959 с. — Саха государственнай университетын бүтэрбит.
1959—1963 сс. — ССРС Билимин Академиятын Сибиирдээҕи салаатын Дьокуускайдааҕы филиалыгар аспирантураҕа үөрэммит. Салайааччыта — аатырбыт саха болкулуору хомуйааччыта Г. У. Эргис.
1963—1992 сс. — тыл, литература уонна история Институтугар олоҥхо салаатын младшай научнай үлэһитэ, научнай үлэһитэ. Бу сылларга эспэдииссийэ үлэтигэр көхтөөхтүк кыттыбыта, Саха сирин хотугу улуустарын барытын кэриэтэ кэрийбитэ: Анаабыр, Өлөөн, Булуҥ оройуоннарыгар уонна Бүлүү уонна Халыма сүнньүлэригэр сытар оройуоннарга, ону таһынан Красноярскай кыраай Таймыырдааҕы национальнай уокуругар сылдьыталаабыта. Таймыырга түөртэ сылдьыбыта. Ол түмүгэр «Дулгаан олоҥхото» диэн монографияны, «Дулгаан фольклора» кинигэҕэ киирбит матырыйаалы үксүн бэлэмнээн таһааттарбыта. Ону таһынан, коллегалара билэллэринэн дулгаан бастакы бэйээтэ Огдо Аксенова «Бараксан» диэн бастакы кинигэтэ 1973 с. тахсарыгар улахан көмөлөөх^[1].
1965 сыллаахха Государственнай антирелигиознай издательство архивыгар (Москва к.) саха биир биллиилээх чинчийээччитэ, сахалар историяларын, этнографияларын уонна фольклордарын үөрэппит Г. В. Ксенофонтов үгүс сыралаах үлэтин түмүгүн — «Эллэйаданы» — булбута. 1977 сыллаахха булумньуну — Г. В. Ксенофонтов көстүбүт үлэтин — Н. В. Емельяновы кытта бэлэмнээн, Москваҕа бэчээттэппит.
Олоҕун тиһэх сылларыгар хоһуун эпоһын уонна хотугу сахалар олоҥхолорун чинчийбитэ. Хомойуох иһин, ол үлэлэрэ сиппэккэ хаалбыттара.
1992 сыллаахха тохсунньу 20 күнүгэр олохтон туораабыт.

П. Е. Ефремов саха уонна дулгаан фольклорун хомуйан күн сирин көрдөрбүтэ, фольклор айымньыларын нуучча тылыгар тылбаастаабыт.

Сүрүн үлэлэрэ[уларыт | биики-тиэкиһи уларытыы]

«Долганское олонхо» - монография.
«И. А. Худяков. Краткое описание Верхоянского округа» (Л., 1969; в соавт. с Н. В. Емельяновым и Г. У. Эргисом).
«Г. У. Эргис Очерки по якутскому фольклору» (М., 1974; в соавт. с Н. В. Емельяновым и Г. У. Эргисом).
«Родная литература. Хрестоматия для 8-го класса» (Якутск, 1972; в соавт. с Г. И. Гороховым и Г. Р. Кардашевским).
«Сказы Таймыра. Предисловие, запись текстов, комментарии» (Красноярск, 1986).
«Якутские сказки» (Якутск, 1981; в соавт. с Д. К. Сивцевым).
«Якутская литература: Учебник для 8-го класса» (Якутск, 1982).
«Киhи тыла — ох» (Якутск, 1982).

П. Е. Ефремов туһунан[уларыт | биики-тиэкиһи уларытыы]

Эргис Г. У. Күүтүллүбэтэх булумньу (Неожиданная находка) // Хотугу сулус — 1966. — № 1. — С. 142.
Кузьмина А.А. Фольклорист П.Е. Ефремов туһунан //http://sakhaetigentyla.ru/фольклорист-п-е-ефремов-туһунан/

Сигэлэр[уларыт | биики-тиэкиһи уларытыы]

Биобиблиографический справочник Архыыптаммыт 2016, Кулун тутар 4 күнүгэр.

↑ Дулгаан фольклора/Фольклор долган. Хомуййааччы П. Е. Ефремов. — Новосибирскай: Археология уонна этнография институутун кыһата, 2000. 27-28 сирэйдэр ISBN 5-7803-0058-5

[1] Дулгаан фольклора/Фольклор долган. Хомуййааччы П. Е. Ефремов. — Новосибирскай: Археология уонна этнография институутун кыһата, 2000. 27-28 сирэйдэр ISBN 5-7803-0058-5

[1]