Ярославскай Емельян Михайлович
Емельян Михайлович Ярославскай' (дьиҥнээх аата Миней Израилевич Губельман; 1878 сыллаахха олунньу 19 (кулун тутар 3), Чита, Забайкальскай уобалас, Арассыыйа империята — ахсынньы 4, 1943, Москуба) — революционер, Коммунистическэй баартыйа диэйэтэлэ, ССРС-ка итэҕэли утары хамсааһын салайааччыта. «Союз воинствующих безбожников» бэрэстээтэлэ. Сталин бириэмийэтин бастакы истиэпэнин лауреаата (1943). 1898 с. РСДРП чилиэнэ.
1907 с. хаатыргаҕа Нерчинскэйгэ ыытыллыбыт, онтон көскө Илин Сибииргэ олорбут. 1913 сыл бэс ыйын 14 күнүгэр Дьокуускайга кэргэнинээн кэлбит.
1917 с. Олунньутааҕы өрөбөлүүссүйэ кэннэ Саха сиринээҕи уопсастыба куттала суох буолутуутун кэмитиэтигэр (ЯКОБ) киирэр. Онтон ыам ыйыгар Саха сиринээҕи совдеп салайааччыта буолар. От ыйыттан РСДРП(б) Москубатааҕы байыаннай тэрилтэтигэр үлэлиир.
РСДРП (б) 6-с сийиэһин дэлэгээтэ.
Өктөөп өрөбөлүүссүйэтин саҕана Ярославскай бастаанньа салайар Москубатааҕы баартыйа киинин чилиэнэ, Байыаннай өрөбөлүүссүйэ кэмитиэтин чилиэнэ, Кремль бастакы хамыһаара, Москуба байыаннай уокуругун салайааччыта.
Иккис кэргэнэ өрөбөлүссүйэниэр дьахтар Кирсанова Клавдия Ивановна. Кирсанова хаайыыларга уонна хаатыргаҕа хас да сыл олорон баран Саха сиригэр 1913 с. "на вечное поселение" диэн көскө ыытыллыбыт. Бастаан Павловскайга олохсуппуттар, онтон 2014 с. Дьокуускайга көһөрбүттэр, онно типографиҕа үлэлии киирбит уонна Ярославскайдыын аан бастаан билсибит[1].
Ярославскай 1943 с. ахсынньы 4 күнүгэр Москубаҕа өлбүтэ.
Быһаарыылар
[уларыт | биики-тиэкиһи уларытыы]- ↑ Н.Н. Тихонова, А.Н. Зедгенидзева, М.Н. Иванова, Т.И. Купоросова и др. Имена на улицах Якутска. Выпуск 4. биобиблиографический справочник. — 4-е, переработанное. — Якутск: Офсет, 2022. — С. 179-181. — 697 с. — 69 экз.