Десяткин Тарас Гаврилович

Десяткин Тарас Гаврилович — геолог идэлээх, «Якутзолото» Өрөспүүбүлүкэ бөдөҥ тэрилтэтин өр сылларга салайбыт киһи, Социалистическай Үлэ Дьоруойа.

Олоҕун олуктара

1928 сыллаахха муус устар 26 күнүгэр Мэҥэ-Хаҥалас улууһугар Төҥүлүгэ төрөөбүтэ.
Магадааннааҕы горнай техникуму уонна Ленинградтааҕы горнай институту бүтэрбитэ.
1954 сыл тохсунньутуттан — начальник көмөлөһөөччүтэ.
1955 сыл олунньутуттан — «Кизелуголь» трест (Пермскай уобалас) «Капитальная» шахтаҕа сир аннынааҕы учаастак начальнига.
1969 сыл атырдьах ыйыттан — «Якуталмаз» генеральнай дириэктэрин солбуйааччытынан туруорбуттара.
1972 сыл тохсунньутуттан — «Якутзолото» начальнига.
1976 сылтан — «Якутзолото» генеральнай дириэктэрэ.
1991 с. — «Золото Якутии» АК генеральнай дириэктэринэн анаммыта.

2013 сыллаахха, Социалистическай Үлэ Дьоруойа Тарас Десяткин 85 сааһын туоларыгар, кини аата 66,36 карааттаах алмаас тааска иҥэриллибит. Ол туһунан туоһу протоколу АЛРОСА АК президенэ Федор Андреев баттаабыт. Бу ювелирнай хаачыстыбалаах алмаас «Удачная» трубкаттан (12 №-дээх Удачнай алмааһы хостуур фабрикатыгар) булуллубут^[1].

2018 сыл олунньу 14 күнүгэр олохтон туораабыта.

Наҕараадалара уонна ытык ааттара

«Үлэ Кыһыл Знамята» уордьан (1969)
Ленин уордьана (1971)
Саха АССР үтүөлээх горняга (1974)
Социалистическай Үлэ Геройа (1976 сыл, кулун тутар 10 күнэ)
Ленин уордьана (1976)
Октябрьскай революция уордьана (1983)
«Үлэ Кыһыл Знамята» уордьан (1981)
«Серп и Молот» кыһыл көмүс мэтээл
«Шахтёрская слава» үс степеннэрин кавалера
ССРС бириэмийэтин лауреата (алмаастаах «Мир трубканы» оҥоруутун иһин)
РСФСР үтүөлээх металлурга (1988)
Алдан улууһун Ытык олохтооҕо
Мэҥэ-Хаҥалас улууһун Ытык олохтооҕо (1998)
«Ювелирная Россия» мэтээл (2010)
Дьокуускай куорат Ытык олохтооҕо^[2] (2013)

Быһаарыылар

Сигэлэр

[1] SakhaNews 28.04.2013:Именем Тараса Десяткина назван алмаз

[2] Официальный сайт Государственного Собрания (Ил Тумэн) Республики Саха (Якутия):Народный депутат Якутии, заместитель председателя Парламента республики Андрей Кривошапкин поздравил с 85-летием Тараса Десяткина Архыыптаммыт 2017, Атырдьах ыйын 27 күнүгэр.

[1]

[2]