Данилова Татьяна Павловна
Данилова Татьяна Павловна, (1932 с. Хадан нэһилиэгэ Сунтаар оройуона Саха АССР), РСФСР норуотун үөрэҕириитин туйгуна, Саха Өрөспүүбүлүкэтин үтүөлээх учуутала.
Олоҕун олуктара[уларыт | биики-тиэкиһи уларытыы]
1932 с. Сунтаар оройуонун Хадан нэһилиэгэр төрөөбүтэ. 1956 с. Бүлүү педагогическай училищетын үөрэнэн бүтэрбитэ уонна педагогическай үлэтин Эбээн-Бытантай (Саккырыыр) оройуонугар саҕалаабыта. 1959-1962 сс. Хадан оскуолатыгар, онтон Илимниир алын сүһүөх оскуолатыгар үлэлээбитэ.
1970 сылтан Татьяна Павловна оройуон киинигэр иккис нүөмэрдээх орто оскуолаҕа үлэтин салҕаабыта. Манна үлэлии олорон Липецкай уобалас учууталларын бастыҥ опыттарын туһаныы сиэринэн кабинет-кылааһы арыйан үлэлэтэр. Үлэ саҥа көрүҥэ оройуоҥҥа киэҥник биһирэнэр, кини үөрэтэр кылааһыгар тирэхтэнэн, өрөспүүбүлүкэ учууталларын семинардара тэриллэр, бастыҥ опыт быһыытынан тарҕанар. Кабинет-кылааска оҕолор 6 саастарыттан үөрэниилэрэ олохтонор. Татьяна Павловнаны өрөспүүбүлүкэтээҕи учууталлар билиилэрин үрдэтэр институт штаты таһынан методиһынан аныыллар.
1993 сылтан Данилова Т.П. Дьокуускай куорат «Эрэл» диэн мөлтөх доруобуйалаах оҕолор анал оскуолаҕа төрөөбүт тылы үөрэтии программатын, оҕону эбии аахтарыы ньымаларын ырытан оҥорон бигэргэттэрбитэ. Үөрэтэр Киинин базатыгар пединститут студеннара практикаларын бараллара. Оҕолору үөрэтиигэ-иитиигэ элбэх новаторскай ньымалары хорсуннук киллэрсибит педагогунан буолар.[1] [2]
Наҕараадалар, ытык ааттара[уларыт | биики-тиэкиһи уларытыы]
- РСФСР норуотун үөрэҕириитин туйгуна.
- Саха Өрөспүүбүлүкэтин үтүөлээх учуутала[3]
Кини туһунан[уларыт | биики-тиэкиһи уларытыы]
Сигэлэр[уларыт | биики-тиэкиһи уларытыы]
- ↑ Педагогическая энциклопедия / М-во образования Респ. Саха (Якутия) ; [науч. ред.: Михайлова М. Г. д.п.н., проф ЯГУ, Петрова С. М. д.п.н., проф. ЯГУ ; сост. Иванова В. С.]. - Якутск, Т. 1. - 2000. - 323 с.
- ↑ Кыайыыны, олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордулар: Н.Н.Спиридонов, А.К.Васильев; эп.эрэд: Т.Н.Иванова уо.д.а. – Дьокуускай : Чопчу, 2020. – 464с.
- ↑ Сунтаар улууһугар үөрэҕирии сайдыыта / [хомуйан оҥорон бэчээккэ бэлэмнээтилэр: И.Т.Назаров, Н.И.Алексеев ; эппиэттиир ред. М.И.Аввакумова]. – Дьокуускай : Бичик, 2009. – 272 с.