Гольдеров Василий Федотович

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
Гольдеров Василий Федотович

Гольдеров Василий Федотович (Ороһу уола) — саха поэта, суруйааччыта.

Олоҕун олуктара[уларыт | биики-тиэкиһи уларытыы]

1932 сыллаахха тохсунньу 16 күнүгэр Үөһээ Бүлүү улууһугар Ороһу нэһилиэгэр төрөөбүтэ.
1966 с. — ССРС суруйааччыларын Сойуустарын чилиэнэ.
А. М. Горьскай аатынан Литература институтун иһинэн Үрдүкү литература курстарын бүтэрбитэ.

Үлэлээбит сирдэрэ[уларыт | биики-тиэкиһи уларытыы]
«Эдэр коммунист» хаһыат редакцията
«Кыым» хаһыат редакцията
«Хотугу сулус» сурунаал редакцията
Өймөкөөн уонна Амма улуустарын оскуолалара, учуутал
Уус-уран литератураны тарҕатыы Бюрота
Саха АССР-га ССРС Литфондата, боломуочунай

Айар үлэтэ[уларыт | биики-тиэкиһи уларытыы]

Бастакы кэпсээнэ «Уолун куолаһа» 1952 сыллаахха Хотугу сулус сурунаалга бэчээттэммитэ. 1955 сыллаахха «Илгэлээх ардах» кэпсээнэ ЫБСЛКС 40 сааһыгар тэриллибит республикатааҕы литературнай конкурска иккис бириэмийэни ылбыта. 1959 сыллаахха «Илгэлээх ардах» диэн сүрэхтэнэн кэпсээннэрин бастакы хомуурунньыга күн сирин көрбүтэ, 1962 сыллаахха кэпсээннэрин иккис хомуурунньуга «Көлүкэчээн» тахсар.
Ити кэннэ айар үлэтигэр, хоһоонньут быһыытынан, саҥа кэрдииһи саҕалыыр. Ол кэмтэн ыла хоһооннорун хас да хомуурунньуга бэчээттэнэн таҕыстылар: «Махтал» (1968), «Доҕордоһуу чорооно» (1970), «Күһүөрү сайын» (1982), «Билинии» (1987), «Көмүс күһүннүүн көрсүһүү» (1992) о. д. а.
Үгүс айымньылара нуучча тылыгар тылбаастаммыттара. В. Ф. Гольдеров саха тылыгар Чингиз Айтматов «Верблюжий глаз» айымньытын тылбаастаабыта.

Наҕараадалара уонна ытык ааттара[уларыт | биики-тиэкиһи уларытыы]

Библиография[уларыт | биики-тиэкиһи уларытыы]

  • Илгэлээх ардах: Кэпсээннэр. — Дьокуускай: Кинигэ изд-вота, 1959. — 80 с.
  • Көлүкэчээн: Кэпсээннэр. — Дьокуускай: Кинигэ изд-вота, 1962. — 94 с.
  • Махтал: Хоһооннор. — Дьокуускай: Кинигэ изд-вота, 1968. — 32 с.
  • Доҕордоһуу чорооно: Хоһооннор. — Дьокуускай, Кинигэ изд-вота, 1970. — 80 с.
  • Күһүөрү сайын: Хоһооннор. — Дьокуускай: Кинигэ изд-вота, 1982. — 126 с.
  • Билинии: Хоһооннор. — Дьокуускай: Кинигэ изд-вота, 1987. — 80 с.
  • Ытыс буор оннугар: Кэпсээннэр. — Дьокуускай: Кинигэ изд-вота, 1989. — 132 с.
  • Көмүс күһүннүүн көрсүһүү: Хоһооннор. — Дьокуускай: Кинигэ изд-вота, 1992. — 64 с.
  • Умнуллубат онус кылаас. — Дьокуускай: Бичик, 2002. — 224 с. — ISBN 5-7696-1664-4
  • Өйтөн-сүрэхтэн сүппэтэх эбиккит: кэпсээннэр, хоһооннор, ахтыылар. — Дьокуускай: Бичик, 2012. — 296 с.

Сигэлэр[уларыт | биики-тиэкиһи уларытыы]