Гирик Фатма

Бикипиэдьийэ диэн сиртэн ылыллыбыт
Перейти к навигации Перейти к поиску

Фатма Гирик (1942 сыллаахха ахсынньы 12 күнүгэр төрөөбүтэ, Турция, Стамбул) — турок биллиилээх артыыһа. Сүрүннээн күүстээх уобарастаах дьахталлары оонньообутунан биллэр.


Биографията[уларыт | биики-тиэкиһи уларытыы]

Фатма Гири Хайри Гирик диэн балыксык уонна Мюневвер Гирик диэн баабырыка үлэһитэ дьахтар дьиэ кэргэнигэр төрөөбүтэ. Ийэтэ кинини баара суоөа 16 саастааҕар төрөппүтэ. Фатму кыра сылдьан олус хорсун санаалааҕын иһин дьон сэргэн «Фатма уол» (туур. Erkek Fatma) диэн ааттыыллара. 1955 сыллаахха 13 саастааҕар аан бастакытын «Günahkar Baba» киинэҕэ дьоҕус, тэттик оруолу оонньообута.

1957 сыллаахха «Leke» киинэҕэ сүрүн оруолу оонньообута. Ол кэннэ биллэн уонна көстөн, сыыйа баайа уһуллар киинэтин ахсаана элбээн барбыта. 1960 сыллаахха Мемдуха Уна «Ölüm Peşimizde» киинэтигэр уһуллубута. Ол оруола Гириги ааттаах суоллаах, улахан артыыс, биллэр көстөр киһи оҥорбута. Итини таһынан кини «Ezo Gelin» уонна «Boş Beşik» диэн норуокка биллэр киинэлэргэ оонньообута. Кини муҥутаан саамай аатыра сылдьыбыт кэмнэрэ 1960 1970 -с сылларга кэлэн ааспыттара. Аан бастаан кини нарын кыргыттары оонньуур буоллаҕына, кэлин күүстээх санаалаах хорсун кыргыттары уонна дьахталлары толорор буолбута. Киинэни таһынан Гирик сэрийээллэргэ, тэлэбииндэнньэҕэ эмиэ уһуллара.

198 сыллаахха Фатма Гирик быыбарга талыллан социал демократтар баартыйаларыттан Шишли оройуонун баһылыга буолбута.

Сигэлэр[уларыт | биики-тиэкиһи уларытыы]

https://ru.wikipedia.org/wiki/%D0%93%D0%B8%D1%80%D0%B8%D0%BA,_%D0%A4%D0%B0%D1%82%D0%BC%D0%B0

https://www.kinopoisk.ru/name/520636/