Волков Николай Николаевич
Николай Николаевич Волков (10.03.1933-5.10.2020) — спортсмен, көҥүл тустууга тириэньэр, көҥүл тустуу судьуйата, Бүлүү улууһун уонна Тоҕус нэһилиэгин Ытык киһитэ, Россия суруналыыстарын сойууһун чилиэнэ, педагогическай наука кандидата, Россия уонна Саха сирин үтүөлээх тренерэ, Саха сиригэр көҥүл тустуу устуоруйатыгар кинигэлэр ааптардара, педагогика билимин хандьыдаата.
Бүлүүттэн төрүттээх. 1933 сыл кулун тутар 10 күнүгэр төрөөбүт. Мастаах сэттэ кылаастаах оскуолатын, Бүлүүтээҕи педагогическай училищены, Москватааҕы физическэй культура киин институтун иһинэн тренердэр оскуолаларын уонна СГУ историко-филологическай факультетын үөрэнэн бүтэрбитэ.
Үлэтин 1959 с. Республикатааҕы спорткомитет сэбиэдиссэйинэн саҕалаабыта. Саха сиригэр көҥүл тустууну төрүттээччилэртэн биирдэстэрэ. Киэҥ эйгэҕэ спортсмен, тренер, тэрийээччи, салайааччы быһыытынан биллэр. Кини иитэн-такайан таһаарбыт уолаттарыттан 15 киһи Россия уонна ССРС чемпионунан уонна призерунан буолбуттара.
Н.Н. Волков Д.П. Коркин аатынан СР Государственнай бириэмийэтин лауреата.
2020 сыллаахха алтынньы 5 күнүгэр 87 сааһыгар өлбүтэ.
Ылыллыбыт сирэ
[уларыт | биики-тиэкиһи уларытыы]- Саха халандаара, 2009, Диодорова-Лаврентьева С.В., "Бичик", 2008