Васильев Эдуард Львович

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Васильев Эдуард Львович, (1944 с. Бүлүүчээн с., Сунтаар оройуона, Саха АССР), РСФСР норуотун үөрэҕириитин туйгуна, Саха Өрөспүүбүлүкэтин норуотун үөрэҕириитин бэтэрээнэ, Сунтаар оройуонун Бочуоттаах олохтооҕо.

Олоҕун олуктара[уларыт | биики-тиэкиһи уларытыы]

1944 с. Сунтаар оройуонун Бүлүүчээн нэһилиэгэр төрөөбүтэ. Бүлүүчээн орто оскуолатын бүтэрэн, производствоҕа үлэлээбитэ. 1964 с. Ленинград куоракка пединститут математика отделениетын бүтэрбитэ уонна Бүлүүчээн орто оскуолатыгар математика учууталынан ананан үлэлии кэлбитэ. Учууталлыыр үлэтин таһынан комсомольскай тэрилтэ сэкирэтээринэн, профком бэрэссэдээтэлинэн үлэлээбитэ.

1978 с. үүнэн, опытыран иһэр учууталы Арыылаах оскуолатыгар дириэктэринэн ыыппыттара. Манна үс сыл ситиһиилээхтик үлэлээн баран, Бүлүүчээн нэһилиэгин Сэбиэтин исполкомун бэрэссэдээтэлинэн быыбарданар, онтон 4 сыл буолан баран, Бүлүүчээн оскуолатын дириэктэринэн ананар.

1987 с. Бүлүүчээн сопхуос Бүлүүчээннээҕи отделениетын управляющайынан, салҕыы сүөһү аһылыгын бэлэмниир сыах начальнигынан ананар. Сопхуоһу ыһыахтарыгар диэри «Бүлүүчээн» сопхуос дириэктэринэн үлэлии олорбута, кэлин оскуолатыгар учууталынан үлэлии төннүбүтэ.

Эдуард Львович оройуон норуотун үөрэҕириитин үлэһиттэриттэн биир уопуттаахтара. Маны таһынан, тыа сирин уратыларын ымпыгын-чымпыгын үчүгэйдик билэр буолан, элбэх сылларга хаһаайыстыба, олох-дьаһах салайааччытынан үлэлээбитэ да туоһулуур.

Сүрүн үлэлэрин таһынан, Васильев Э.Л. «Билии» общество активнай чилиэнэ, лектор, элбэх төгүл народнай дьокутаатынан быыбардаммыта. Социалистическай куоталаһыы, хас да пятилеткалар кыайыылааҕа [1]

Наҕараадалара уонна ытык ааттара[уларыт | биики-тиэкиһи уларытыы]

  • РСФСР норуотун үөрэҕириитин туйгуна.
  • Саха Өрөспүүбүлүкэтин норуотун үөрэҕириитин бэтэрээнэ.
  • Сунтаар оройуонун Бочуоттаах олохтооҕо[1]

Быһаарыылар[уларыт | биики-тиэкиһи уларытыы]

  1. 1,0 1,1 Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020.

Сигэлэр[уларыт | биики-тиэкиһи уларытыы]