Бикипиэдьийэ:Сирдьит/Тиэмэтэ
Бу туһунан суруллубут дуо?
Бикипиэдьийэҕэ хайыы-үйэ 17 250 ыстатыйа баар. Суруйаары гынар ыстатыйаҕын атын аатынан ким эрэ суруйбут буолуон сөп. Хос үлэнэн дьарыктаммат туһуттан ыстатыйаны атын аатынан көрдөөн көр. Суруйаары гыммыт тиэмэҕин атын аатынан булбут буоллаххына, баҕар, утаарыы сирэйи оҥорор ордук буолуо.
Тиэмэҥ суолталаах дуо?
| Болҕой |
|---|
|
Ирдэбилгэ хоруйдаабат ыстатыйалар «түргэнник сотуллуохтарын сөп». Сотуллуон баҕарбат буоллаххына бу көмөлөһөөччү сүбэлэрин истэҥҥин, үрдүк хаачыстыбалаах ыстатыйата суруй. |
Төһө да суруйаары гынар ыстатыйаҥ манна суоҕун иһинэн, кини хайаан да Бикипиэдьийэҕэ сөп түбэһэр диэн буолбатах. Ыстатыйаҥ тиэмэтэ суолталаах буолуохтаах, ол туһунан быраабылаҕа суруллар. Ол сүнньүнэн маннык: саҥа ыстатыйаны саҕалыаҥ иннинэ толкудаан көр, суруйаары гынар тимэҥ атын улахан "кумааҕы" энциклопедияҕа (холобура, БСЭ, БРЭ, Британника уо.д.а.) баар буолуон сөп дуо? Өскөтө хоруй туох да саарбаҕа суох "баар буолуон сөп" буоллаҕына, үксүгэр, оннук ыстатыйа Бикипиэдьийэҕэ эмиэ суруллуон сөп. Оттон суох буоллаҕына, Бикипиэдьийэҕэ ылыныллыбыт суолта киритиэрийдэрин тутун.
Бука диэн маннык ыстатыйалары суруйума:
- бэйэҥ тускунан (тоҕо?);
- доҕотторуҥ тустарынан;
- бэйэҥ музыкальнай бөлөҕүҥ туһунан;
- бэйэҥ саайтыҥ туһунан;
- бэйэҥ тэрилтэҥ туһунан;
- бэйэҥ ситиһиилэриҥ туһунан.
Үксүгэр, оннук ыстатыйалар сотуллаллар.