Бикипиэдьийэ:Сирдьит/Ситим-сир суолтата
| Суолта |
|---|
|
Туох эрэ эбэтэр ким эрэ туһунан бэчээккэ элбэхтэ суруллубут буоллаҕына, ол кини суолталааҕын туоһулуон сөп. |
| — Бикипиэдьийэ:Суолта |
Ситим-сирдэртэн сорҕото эрэ (блогтары, форумнары, онлайн-маҕаһыыннары, веб-портааллары уо. д. а. киллэрэн туран) Бикипиэдьийэҕэ киирэр кыахтаах.
Бикипиэдьийэҕэ киирэригэр, ситим-сир суолта уопсай киритиэрийигэр хоруйдуур (ыйааһыннаах төрүттэргэ ахтыллыбыт) буолуохтаах. Оннук төрүттэргэ үксүн биллэр бэчээт уонна ситим хаһыаттарын, сурунаалларын, ону таһынан эйгэни сырдатар төрүттэри киллэрэллэр.
Ону таһынан, интэриниэт бырайыак туһунан ыстатыйа маннык мэктиэлэр (киритиэрийдэр) тутуһуллар буоллахтарына суруллуон сөп:
- ситим-сир бу эйгэҕэ аптарытыаттаах наҕараадалаах (РОТОР, Рунет бириэмиэйэтэ, Золотой сайт, Webby Awards);
- сир аан дойду ситим-сирдэрин TOP100 киирэр буоллаҕына (alexa.com сиэрбис көрдөрөрүнэн). Мантан туорааһын: Бикипиэдьийэҕэ хайыы-үйэ баар тэрилтэ ситим-сирэ киириэн сөп, өскөтө атын мэктиэлэргэ хоруйдуур буоллаҕына.
Ыстатыйа хайаан да ситим-сир саатар биир мэктиэҕэ хоруйдуурун туһунан дакаастабыллаах буолуохтаах, холобура «Быһаарыылар» салааҕа сигэ быһыытынан.
Сорук утарыта турсуута уонна арбааһын (эрэкилээмэ)
Бэйэҥ ситим-сири кытта ыкса ситимнээх буоллаххына сорук утарыта турсуута үөскүүр, онон үчүгэй, кытыга суох сыһыаннаах, энциклопедия хабааннаах ыстатыйатын суруйарыҥ уустук буолуо, оччоҕо ыстатыйаҥ арбааһын курдук көстүө — арбааһыны буоллаҕына быраабыла бобор. Онон, арбааһыҥҥа маарынныыр ыстатыйа үөһэ этиллибит мэктилэргэ хоруйдаабат буолан, сотору кэминэн сотуллуо.