Бикипиэдьийэ:Сирдьит/Дьон суолтата
| Суолта |
|---|
|
Өскөтө киһи туһунан ыйааһыннаах уонна ол киһиттэн тутулуга суох сирдэргэ кэпсэнэр буоллаҕына, ол аата үксүгэр кини суолталаах киһи, онон кини туһунан туспа ыстатыйа суруйуохха сөп. |
| — Бикипиэдьийэ:Дьон суолтатын киритиэрийдэрэ |
Бикипиэдьийэҕэ наһаа аҕыйах киһи киирэр суолталаах. Ханнык баҕарар энциклопедияҕа курдук, Бикипиэдьийэҕэ былыр олорон да ааспыт, аныгы да дьон тустарынан ыстатыйалар бааллар.
Сүрүн ирдэбил: бу киһи улахан суолтатын көрдөрөр кини туһунан итэҕэтиилээх матырыйаал хос төрүттэргэ (вторичные источники) баара буолар. Манна ахтыллыбыт саатар биир мэктиэҕэ хоруйдуур буоллаҕына, ол киһи туһунан ыстатыйа суруйуохха сөп. Бу тиһилик толорута суох эрээри, сүнньүнэн суолта таһымын көрдөрөр:
- Киһи биллэр-көстөр суолу-ииһи хаалларбытын анал үөрэхтээхтэр билинэллэр.
- Дойду, өрөспүүбүлүкэ дьиҥ биитэр докумуоҥҥа киирбит салайааччыта, билиниллибэтэх да дойду буолуон сөп.
- Шоу-бизнес (ол иһигэр модельнай бизнес уонна фэшн-индустрия) уонна маассабай ускуустуба (киинэ, эстраада, литэрэтиирэ уо.д.а.) киэҥник биллибит диэйэтэлэ.
- Ханнык баҕарар успуорт көрүҥэр Олимпиада, Паралимпиада, аан дойду, Европа, атын континеннар, Арассыыйа уонна атын дойдулар, Саха Өрөспүүбүлүкэтин чөмпүйэнээттэрин уонна кубоктарын кыайыылаахтара уонна призердара.
- Нобель бириэмийэтин лауреаттара, бэйэлэрин эйгэлэригэр аан дойду, Арассыыйа уонна Саха Өрөспүүбүлүкэтин биллэр күрэстэрин уонна бириэмийэлэрин кыайыылаахтара.
- Саха сирин, дойду уонна аан дойду олоҕор биллэр-көстөр айымньылар ааптардара (хоһоон, ырыа, хартыына, тутуу уо.д.а.), ол ааптар атын айымньыларыттан тутулуга суох.
Быһаарыы: Өскөтүн киһи ханнык эрэ көстүүгэ кыттыбытын иһин суолталаах буоллаҕына, уонна киһи быһыытынан улахан суолтата көстүбэтэҕинэ, ыстатыйаны киһи туһунан буолбакка, ол көстүү туһунан суруйар ордук.
Иһитиннэрии: Тыыннаах дьон туһунан сымыйаны суруйумаҥ!