Бикипиэдьийэ:Сирдьит/Музыка суолтата
| Суолта |
|---|
|
Туох эрэ эбэтэр ким эрэ туһунан бэчээккэ элбэхтэ суруллубут буоллаҕына, ол кини суолталааҕын туоһулуон сөп. |
| — Бикипиэдьийэ:Суолта |
Бикипиэдьийэҕэ отой аҕыйах музыкааны киллэриэххэ сөп.
Аан дойдуга мөлүйүөнүнэн музыкаан баарыттан сорҕото эрэ Бикипиэдьийэҕэ киирэр кыахтаах. Сүрүн ирдэбил — дьон-сэргэ сэргээбитин туоһулуур аптарытыаттаах, ыйааһыннаах төрүттэр (источниктар) бааллара. Манна аллара ыйыллыбыт мэктиэлэргэ хоруйдуур мусукааннар тустарынан ыстатыйа суруйуохха сөп. Бу тиһилик толору буолбатах, ол эрээри ирдэбил таһымын көрдөрөр:
Музыкаан эбэтэр бөлөх (хампаһыытар, ырыаһыт, аранжировщик, оркестр, музыка ансаамбыла, диджей уо.д.а.) маннык мэктиэлэртэн биирдэстэригэр хоруйдуур буоллаҕына суолталаах аатырар:
- Ыйааһыннаах төрүттэргэ мусукаан интервьюта, кини эбэтэр кини айар үлэтин туһунан ыстатыйа эбэтэр эрэпэртээс тахсыбыт.
- Кини айымньыларыгар саатар биир дойдуга сэртипикээт биэрэр тэрилтэ «үрүҥ көмүс» эбэтэр онтон үрдүк ыстаатыс иҥэрбит.
- Суолталаах муусука бириэмийэтин, күрэһин эбэтэр бэстибээлин (холобур, Грэмми) лауреата.
Ырыа эбэтэр альбом суолталаах буолар, өскөтө:
- Айымньы бөдөҥ муусука күрэһигэр (Евровидение, Славянскай базар) эбэтэр бириэмийэтигэр (Грэмми, муусука ханаалларын, сурунаалларын) призер ахсааныгар киирбит буоллаҕына.
- Айымньы судаарыстыба, өрөспүүбүлүкэ, бөдөҥ аан дойду тэрилтэтин (МОК, ХНТ, бөдөҥ баартыйа уо.д.а.) өрөгөйүн ырыата буолар, буола сылдьыбыт, буола сыспыт буоллаҕына.
Быһаарыы: Элбэх кыттааччы Бикипиэдьийэҕэ арбааһын суох буолуохтаах диир. Ону таһынан арбааһын Бикипиэдьийэ быраабылатын утарар. Онон, өскөтө ыстатыйаҥ арбааһыҥҥа маарынныыр буоллаҕына, сотору кэминэн сотуллуон сөп.