Афанасьев Георгий (Егор) Васильевич (Суон Кинээс Сиэнэ)

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Афанасьев Георгий (Егор) Васильевич – Суон Кинээс Сиэнэ (1899-1928) — Саха Сиригэр гражданскай сэрии кыттыылааҕа, үрүҥ бастаанньыт.

Г.В. Афанасьев Арҕаа Хаҥалас дуу, Илин Хаҥалас дуу киһитэ. Баай ыалтан төрүттээҕэ аатыттан да биллэр. Кини туһунан билигин Покровскай музейын архивыгар баар Н. Гордеев ахтыыта бэрт кылгастык бэлиэтээн аһарар.

Г.В. Афанасьев үрүҥ повстанчествоҕа холбоспут төрүөтүнэн 1922 с. кулун тутар саҥатыгар Покровскайтан П.М. Крылов диэн хамандыыр II Дьөппөн нэһилиэгэр баран 20-чэ туох да буруйа суох дьону кыргыбыта буолбута. «Образцовай карательнай рейдэ» кэмигэр Крылов этэрээтин дьоно мас эрбии турар дьону, ойбоҥҥо сүөһү уулата турар оҕонньору, оскуола учууталын, таҥара дьиэтигэр үлэлиир аҕабыты, офицер уолун кытары уо.д.а. барыта 20-чэ буруйа суох дьону кыргыбыттара. Нөҥүө күнүгэр бу ынырык дьулаан быһыы улууһу биир гына тарҕаммыт, иһиллибит. Бэрт түргэнник олохтоох нэһилиэнньэттэн үрүҥ этэрээттэрэ тэриллэн киирэн бараллар. Ол курдук, үрүҥ этэрээттэрин хамандыырдарынан Н.ф. Дмитриев – Кэлэҕэй Дмитриев, С.И. Михайлов – Кырсаан Уола, Е.Е. Старостин – Урдус кулуба Уола, И.Г. Кириллов (16 саастааҕар), С.А. Широких, Г.В. Афанасьев – Суон Кинээс Сиэнэ. Бу туһунан Н. Гордеев ахтыытыгар суруллубут.

Г.В. Афанасьев этэрээтэ үрүҥнэр Соҕурууҥҥу бөлөхтөрүгэр сылдьыбыт. Н.Ф. Дмитриевы – Кэлэҕэй Дмитриевы бэйэтин саллааттара өлөрбүттэрин кэнниттэн кини этэрээтин Г.В. Афанасьев салайбыт. Устунан тупсууга киирэн амнистияламмыттар. Г.В. Афанасьев олоҕо, охсуһуута билигин чуолкай биллибэт, чинчиллэр кэриҥнээх.

П.В. Ксенофонтов хамсааһыныгар кыттыбыт. Ол кэнниттэн суорума суолламмыт.

1999 сыллаахха реабилитацияланан үтүө аата тиллэн норуотугар төннүбүтэ[1].

Быһаарыылар[уларыт | биики-тиэкиһи уларытыы]

  1. Саха чаҕылхай уолаттара. Ылдьаа Колосов.