Алексеев Иван Гаврильевич (Уһуктаах Уйбаан)

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
Алексеев Иван Гаврильевич

Алексеев Иван Гаврильевич (Уһуктаах Уйбаан) — бэйиэт, драматург, суруналыыс, тылбаасчыт. Арассыыйа Суруйааччыларын холбоһуктарын чилиэнэ. СӨ култууратын үтүөлээх диэйэтэлэ.

1933 сыл балаҕан ыйын 26 күнүгэр Сунтаар улууһун Хаҥалас нэһилиэгэр колхуостаах ыалыгар бастакы оҕонон төрөөбүтэ. Аҕата Егоров Гаврил Алексеевич 1942 сыллаахха Москва куораты көмүскээбитэ уонна суорума суолламмыта. Уол интэринээккэ олорон оскуолаҕа үөрэммитэ.

1951 сыллаахха орто оскуоланы бүтэрбитэ. 1956 сыллаахха Саха Ил Университетыгар киирэн баран 1961 сыллаахха бүтэрбитэ. Идэтэ нуучча тыла уонна литературата. Телевидение уонна радио комитетыгар 32 сыл редакторынан үлэлээбитэ. 1995 сыл муус устар 14 күнүгэр өлбүтэ.

Айымньылара[уларыт | биики-тиэкиһи уларытыы]

Аймахтара туоһулуулларынан оскуолаҕа үөрэнэр эрдэҕиттэн суруйан холонор буолбут. 1960-с сс. саҕаланыыларыгар айымньыта бүтүн Сойууска тахсар "Огонек" сурунаалга бэчээттэммитэ.

  • Бэс туорааҕа. Оҕолорго хоһооннор. — Дь.:Кинигэ кыһата, 1959. — 36 с.
  • Дорообо, кэлэр кэм. Хоһооннор. — Дь.: Кинигэ кыһата, 1964. — 72 с.
  • Эйиэхэ. Хоһооннор. — Дь.: Кинигэ кыһата, 1969. — 48 с.
  • Суоһалдьыйа Толбонноох. — Дь.: Кинигэ кыһата, 1978. — 72 с.
  • Күн ортото. — Дь.: Кинигэ кыһата, 1981. — 50 с.
  • Көмүс чүмэчи. Хоһооннор. — Дь.: Кинигэ кыһата, 1988. — 80 с.
  • Ытык буор. Хоһооннор. — Сунтаар, 1992. — 74 с.

Аатын ахтыы[уларыт | биики-тиэкиһи уларытыы]

Хороҕо олорбут дьиэлэригэр билигин Алексеевтар түмэллэрэ буолан турар. Наассыйа бибилитиэкэтэ 2023 сыл алтынньы 3 күнүгэр суруйааччыга аналлаах быыстапканы үөрүүлээх быһыыга-майгыга арыйбыта[1].

Ылыллыбыт сирэ[уларыт | биики-тиэкиһи уларытыы]

  • Писатели Якутии
  • Писатели земли Олонхо. Биобиблиографический справочник. — Дь.: Бичик, 2000 — ISBN 5—7696—1001—8
  1. Виктория Ильина. Олус умсугуйан айбыта-суруйбута // Кыым : хаһыат. — 2023. — 12 Алтынньы (№ 40 № (22640)). — С. 24.