Акимова Люция Павловна
Акимова Люция Павловна, 1958 с. олунньу 21 күнүгэр Сунтаар оройуонун Күндэйэ нэһилиэгэр төрөөбүтэ.
Олоҕун олуктара
[уларыт | биики-тиэкиһи уларытыы]1986 с. Саха государственнай университетын бүтэрбитэ.
Педагогическай үлэтин 1986 с. Ленскэй оройуонугар биология уонна химия учууталынан саҕалаабыта. 1988 с. - Сунтаар 2№-дээх орто оскуолатын биология учуутала.
Учуутал-новатор инновационнай режиминэн үлэлиир, саҥа үөрэх технологияларын туһанар, үөрэх үрдүк хаачыстыбатын, иитии-үөрэтии уонна олоххо ситиһиилэрин хааччыйар. Оҕону иитии уонна үөрэтии ис хоһоонун сөргүтүүгэ педагогическай идеялары көрдөөһүн, бырайыактыыр технологиялары олоххо киллэрии Люция Павловна педагогическай үлэтин биир тутаах хайысхата буолар. Үөрэх процеһын байытар туһуттан биологияҕа цифровой үөрэх ресурсаларын тэрийэр.
Бырайыактары көдьүүстээхтик туһаныы, көрдүүр- чинчийэр технологиялары көдьүүстээхтик туһаныы үөрэнээччи үлэлииригэр дьоһуннаах түмүктэри биэрэр. Кини үөрэнээччилэрэ — улуустааҕы, регионнааҕы уонна республикатааҕы НПК "Бессоновскай ааҕыылар", "Кэскилгэ хардыы", "Эдэр экологтар", "Ыччат интеллектуальнай потенциала-ХХ үйэ сэлиэнньэтин" эдэр чинчийээччилэр уонна призердара, ону тэҥэ РФ ЮНЕСКО бүтүн Россиятааҕы уонна аан дойдутааҕы конференциялар призердара.
Л. П. Акимова — "Интерактивнай дуоскалар-оскуола саҥа технологиялара" уонна "Бастыҥ цифровой үөрэҕирии ресурсата" өрөспүүбүлүкэтээҕи ИТ-конкурстар кыттыылааҕа. Люция Павловна — үрдүк дьоҕурдаах уонна идэтийбит кылаас салайааччыта. Улуустааҕы "Лучший классный руководитель 2004 года" конкурс лауреата. "Бастыҥ кылаас салайааччыта" оскуола номинациятын хас да төгүллээх хаһаайына.[1][2]
Наҕараадалара уонна ытык ааттара
[уларыт | биики-тиэкиһи уларытыы]- РФ уопсай үөрэхтээһинин Бочуоттаах үлэһитэ.
- Саха Өрөспүүбүлүкэтин үөрэҕириитин туйгуна
- РФ Президенин Гранын хаһаайката.
- “Бастыҥ кылаас салайааччыта» конкурс лауереата [2][1].