«Наследники А. М. Кушнарева» эргиэн дьиэтэ

«Наследники А. М. Кушнарева» — эргиэн дьиэтэ.

Устуоруйата

1903 сыллаахха төрүттэммит. Тэрийээччилэринэн 1 гильдиялаах атыыһыт Кушнерев А. М. кыыһа Агриппина, уола Бүөтүр, огдообото Екатерина буолбуттара. Устав капитала 900 тыһ. солкуобай этэ.

Хонтуората Дьокуускайга баар этэ, салаалара уонна эригиэн туочукалара Саха Сирин сүрүн пууннарыгар, ону таһынан Киренскайга уонна Охотскайга баар этилэр.

Мануфактура, галантерея, бакалея уонна атын табаарынан эргинэллэрэ. Компаньоннара бытархай атыыһыттары кредиттаан бөдөҥ партиянан түүлээҕи, уу кыылын муоһун, мэнэх ыытын атыылаһаллара уонна бүтүн Арассыыйатааҕы Ирбит, Нижнэй Новгород уонна Москва дьаарманкаларыгар эргинэллэрэ.

1911 сыллаахха бааржалаах аалы атыылаһан Өлүөнэ уонна салаалар устун сылдьаллара.

Дьокуускайга хас да дьиэлээх этэ, ону таһынан паар мэлиэһэ, электричество оҥорор локомобиль баар этэ.

Балта Бушуева П. А. Охотскайга олорон Кытайтан табаар атыылаһар этэ.

Өрөбөлүүссүйэ буола илигинэн сыллааҕы эргиэнэ 3—4 мөл солкуобайга тиийэр этэ.

1920 сыллаахха Губревком национализациялаабыта. Кушнарев П. А. АХШка эмиграциялаабыт. Онно тиийэн «Джон Вальш уонна К» диэн фирманы тэрийсибит. Дьылҕата биллибэт.