"Ытык аҕа" Бэлиэ

Бикипиэдьийэ диэн сиртэн ылыллыбыт
(Мантан: "Ытык аҕа" бэлиэ көстө)
Перейти к навигации Перейти к поиску

Аҕалар күннэрин кэрэһилээн, Саха Өрөспүүбүлүкэтин вице-президенын 2002 сыл кулун тутар 22 күнүнээҕи 30—ВП №-дээх Дьаһалынан «Ытык аҕа» Бэлиэ олохтоммута.

Бу ытык Бэлиэ олохтонуута кэнчээри ыччаты иитиигэ-үөрэтиигэ аҕа оруолун үрдэтэр соруктаах. «Ытык аҕа» Бэлиэ элбэх оҕолоох дьиэ кэргэн аҕалара ситиһиилэрин туоһулуур уопсастыба махтала буолар.

Бу Бэлиэнэн хас сыл аайы, муус устарга, үс элбэх оҕолоох аҕалар кэнчээри ыччаты иитиигэ-үөрэтиигэ ситиһиилэрин, республика олоҕор сүҥкэн, көхтөөх кыттыыларын, тус бэйэлэрин чөл олохтоох холобурдарын иһин наҕараадаланаллар. Наҕараадаламмыттарга тустаах диплом уонна «Ытык аҕа» Бэлиэ туттарыллар.

«Ытык аҕа» Бэлиэнэн наҕараадаламмыттар[уларыт | биики-тиэкиһи уларытыы]

2008 сыл[уларыт | биики-тиэкиһи уларытыы]

  • Иванов Николай — Үлэ Кыһыл Знамятын уордьанын кавалера, Өлүөхүмэ улууһун ытык киһитэ, 10 оҕо аҕата, Улахан-Муҥку олохтооҕо.
  • Крылыков Михаил — Саха Өрөспүүбүлүкэтин үтүөлээх учуутала, Мирнэй улууһун Сүлдьүкээр оскуолатын директора, 4 оҕо аҕата.
  • Тарабукин Петр — суоппар, 13 оҕолоох дьиэ кэргэнинэн олорор оҕо дьиэтин аҕа баһылыга (Дьокуускай).

2013 сыл[уларыт | биики-тиэкиһи уларытыы]

  • Аргунов Николай Николаевич — Аҕа дойду Улуу сэриитин кыттыылааҕа, олохтоох салалта сулууспатын бэтэрээнэ, элбэх оҕолоох аҕа (Кэбээйи улууһа);
  • Назаров Николай Семенович — Аҕа дойду Улуу сэриитин кыттыылааҕа, тыа хаһайыстыбатыгар оҥорон таһаарыы бэтэрээнэ, элбэх оҕолоох аҕа (Мэҥэ-Хаҥалас улууһа);
  • Туприн Григорий Константинович — үлэ бэтэрээнэ, Саха Өрөспүүбүлүкэтин тыатын хаһаайыстыбатын үтүөлээх үлэһитэ, элбэх оҕолоох аҕа (Анаабыр улууһа)[1].

2014 сыл[уларыт | биики-тиэкиһи уларытыы]

  • Белолюбскай Прокопий Прокопьевич — спорт бэтэрээнэ (Уус-Алдан улууһа);
  • Корякин Тимофей Иванович — тыыл уонна үлэ бэтэрээнэ (Булуҥ улууһа);
  • Олесов Владимир Яковлевич — тыыл уонна үлэ бэтэрээнэ (Хаҥалас улууһа)[2].

Быһаарыылар[уларыт | биики-тиэкиһи уларытыы]

Сигэлэр[уларыт | биики-тиэкиһи уларытыы]

Знак «Ытык аҕа» («Почетный отец»)