Хардааччы
Бикипиэдьийэ диэн сиртэн ылыллыбыт
Хардааччы (нуучч.: Дербник, лат. Falco columbarius) — мохсоҕоллор биистэрин уустарыгар киирэр тыҥырахтаах көтөр.
Тайҕаҕа уонна ойуурдаах туундараҕа олохсуйар. Сүнньүнэн кыра көтөрдөрүнэн аһылыктанар. Үөһэ көтө сылдьар күөрэгэйдэри тутарынан биллэр. Уйатын сиргэ, таас очуостарга, маска лабаалартан, сутукаттан, хатырыктан туттар. Уйатыгар 3-5 кытархай өҥнөөх элбэх бээтинэлэрдээх сымыыттаах буолар. 26-30 суукка иккиэн баттыыллар. 30-37 суукка оҕолоро уйаҕа баар буолаллар. Оҕолорун иккиэн аһаталлар.
Олоҥхоҕо Үөлэн Хардааччы — айыы бухатыырын аата (үөлэн суолтата - улахан, бөдөҥ-садаҥ, үөскүлэҥ)[1].
[уларыт] Өссө маны көр
[уларыт] Быһаарыылар
- ↑ Элэс Боотур олоҥхо, 6740-с хоһоон, П. В. Оготоев, 2002, Дьокуускай
[уларыт] Туһаныллыбыт сирдэр
- Знаете ли вы птиц Якутии, Б. И. Сидоров, Бичик, 1999, ISBN 5-7696-0956-7
