Тиксии
Бикипиэдьийэ диэн сиртэн ылыллыбыт
Тиксии - куорат тииптээх бөһүөлэк. Булуҥ улууһун киинэ. Лаптевтар байҕалларыгар Тиксии хомо кытылыгар турар. 1935 сыллаахха төрүттэммит.
Билигин Тиксиигэ 5 566 киһи олорор (2009 сыл).
Муора пуорда, өрүс пароходствотын филиала, байыаннай чаастар бааллар.
Тиксииттэн чугас Усть-Ленскэй заповедник сытар.
[уларыт] Устуоруйаттан
1932 сыллаахха атырдьах ыйын 5 күнүгэр Афанасий Богатырев хапытааннаах икки бааржа соһуулаах «Лена» борокуот Тиксии хомоҕо метеостанция тутуохтаах эспэдииссийэни уонна манан ааһыахтаах «А.Сибиряков» диэн мууһу хайытар борокуокка анаан чох аҕалбыт. Эспэдииссийэҕэ 15 киһи киирэрэ: 9 билим үлэһитэ, үс тутааччы, 1 повар уонна икки оҕо. Олорор дьиэлэрин уонна станцияларын тутуохтаах мастарын тиэйэн кэлбиттэр[1].
