Сылгы ньургуһуна
Сылгы ньургуһуна эбэтэр Куба кулгааҕа (лат. Anemone, нуучч.: ветреница лесная)
Биэс эминньэхтээх, үрүҥ сибэккилээх, туурата суох тула өттүгэр сарайбыт биир сиртэн тахсар сэбирдэхтэрдээх. Алааска, кураанах сиргэ, тыа саҕатыгар, үрэх кытыытыгар үүнэр. Бэс-от ыйдарыгар сибэккилэнэр[1].
[уларыт] Туттуллуута
Бу үүнээйи дьааттаах, куурдаҕына дьаатын сүтэрэр. Көөнньөһүгүнэн невралгия, радикулит, ишиас, остеохондроз, артрит, ревматизм курдук дьарҕа буолбут ыарыылартан соттон эмтэниллэр. Сибэккитэ тыллыбыт кэмигэр үргээн, күлүк, салгыннаах сиргэ хатарыллар. Хаппыт отун ууга көөнньөрөн эбэтэр оргутан тымныйыыга, утуйбат буолууга, сүрэх ыарыытыгар, көрөр-истэр уорган үлэтэ мөлтөөһүнүгэр иһиллэр. Кутургуйа, түөллүгэн таҕыстаҕына, бастаан отун оргутан угуттууллар, оттон тэһиннэҕинэ, сайҕыыллар, оччоҕо түргэнник оһор. Итини таһынан тирии ыарыытыгар (парша, рожа) эмиэ ити курдук туһаныахха сөп.
[уларыт] Быһаарыылар
- ↑ Саха тылын быһаарыылаах улахан тылдьыта.VII туом, Новосибирскай, Наука, 2010
[уларыт] Туһаныллыбыт сирдэр
- К. Токумова, П. Токумов, Төрөөбүт дойдубут эмтээх үүнээйилэрэ. Дь., Бичик. 2008. ISBN 978-5-7696-2947-1
