Ньурба улууһун гербэтэ

	Ньурба улууһун дьаралыга
Сиһилии
Олохтоммут күнэ-дьыла	2004 сыл сэтинньи 18
Ааптардар
Дьаралык ааптара	Саввинов Д. И.
Геральдическай; ситэрии	Матвеев А. М.
Компьютернай; дизайн	Матвеев А. М.

Саха Өрөспүүбүлүкэтин "Ньурба улууһа" олохтоох тэриллии гербэтэ — бу олохтоох тэриллии биир дьоһун бэлиэтэ буолар. Герб «Ньурба улууһа» олохтоох тэриллии улуустааҕы Мунньах 2004 сыл сэтинньи 18 күнүнээҕи РУС 16—7 №-дээх Быһаарыытынан бигэргэтиллибит.

Дьүһүнэ[уларыт | биики-тиэкиһи уларытыы]

Герб төгүрүк быһыылаах щит, халлаан күөх хонуутун ортотугар кынаттарын даллаччы туттубут мохсоҕол ойууламмыт. Мохсоҕол икки от күөҕэ өҥнөөх хахыйах чэчирдэригэр тирэхтэнэн олорор, түөһүгэр төгүрүк кыһыл өҥнөөх күн эргийиитинэн туһаайыллыбыт сурааһыннардаах толонноох. Чэчирдэр сэбирдэхтэрин ахсаана — 19.
Герб баһыгар (үөһээ өттүнэн) сэттэ саха аламай таастара (муннуктарыгар туруоруллубут түөрт тэҥ өрүттээх эттиктэр, хас биирдии эттик алта өлүүгэ араарыллыбыт: кириэстии уонна икки бэйэ-бэйэлэригэр тиксэр туһааннар) кустуктуу иэҕиллэн ууруллубуттар.^[1]

Ытык бэлиэ олоҕо[уларыт | биики-тиэкиһи уларытыы]

Ньурба дьонун төрүтүнэн Ньырбачаан буолар. Ньырбачаан күүһэ, өйө уонна кыаҕа ийэ кыылынан — мохсоҕолунан араҥаччыланар. Мохсоҕол олорор чэчирдэрэ 19 сэбирдэхтээх, чэчирдэр сэбирдэхтэрин ахсаана Ньурба улууһун олохтоох тэриллиилэрин ахсааныгар тэҥнэһэр. Мохсоҕол түөһүгэр ойууламмыт күҥҥэ майгынныыр толон, бу үйэлэр тухары баар, халбаҥнаабат, бигэлээх олох им бэлиэтэ буолар. Сэттэ аламай таастар Саха Сирин гербэтигэр баар аламай таастарга дьүөрэлии ууруллубуттара, Ньурба улууһун сирэ-уота Саха Өрөспүүбүлүкэтигэр киирэрин көрдөрөр.^[1]