Мунхалов Афанасий Петрович

Бикипиэдьийэ диэн сиртэн ылыллыбыт

Афанасий Петрович Мунхалов — РФ норуодунай худуоһунньуга, Ойуунускай аатынан бириэмийэ лауреата, график.

Чурапчыга Күндэли нэһилиэгэр 1935 с. тохсунньу 10 күнүгэр төрөөбүт. Сэрии сылларыгар Мунхаалаптары биир дойдулаахтарын кытта күүс өттүнэн хоту көһөрбүттэр. Онно дьоно бары өлөннөр уолу оҕо дьиэтигэр биэрбиттэр.

Дьокуускайдааҕы уус-уран училищаны 1957 сыллаахха, онтон 1963 с. Суриков аатынан Москубатааҕы судаарыстыбаннай уус-уран институут графикаҕа салаатын бүтэрбит (Е. А. Кибрик мастырыскыайа).

А. П. Мунхалов — 1960-с сылларга саха графикатын аан дойдуга таһаарбыт маастардартан биирдэстэрэ буолар.

[уларыт] Сүрүн үлэлэрэ

Линогравюралар сиэрийэлэрэ: "Күн барыларыгар тыгар"(1963), "Мин хоту дойдум" (1965), "Гражданская война в Якутии" (1967-1968), "Мин Сахам сирэ" (1969), " Думы о времени" (1974-1978), "Ленин туһунан тойук" (1981), "Аргументы без фактов", "Түүҥҥү харабыл" (1994), "Прерванный полет"(1999); литографиялар сиэрийэлэрэ: "Победа и мир" (1979), "Күндэли" (1980), "Күлүктэр" (1994).

[уларыт] Туһаныллыбыт сирдэр

Г.Г. Неустроева ыстатыйата, Саха бибилитиэкэтин саайта