Дракон (сулустар бөлөхтөрө)
Бикипиэдьийэ диэн сиртэн ылыллыбыт
Дракон (лат. Draco), Хотугу полюс таһынааҕы сулустар бөлөхтөрө. Халлааҥҥа 1083 квадрат кыраадыс иэннээх, 210 харахха көстөр сулустардаах, ол иһигэр 80 6m улахантан үрдүк.
Ис хоһооно |
[уларыт] Сулустар
- Тубан (α Dra), биһиги үйэбит нөҥүө 3700 - 1500 сыллардахха хотугу полюска ордук чугас сулус этэ. Прецессия сабыдыаланан 21000 сылтан эмиэ Хотугу сулуһунан буолуо.
- Этамин, (γ Dra), 2,23 улаханнаах. Бу сулуһу кэтээн көрөн Джеймс Брадлей 1725 сыллаахха сырдык аберрацията диэн түгэни аспыт.
- Кума (ν Dra), икки хостоох сулус.
- Арракис (μ Dra).
[уларыт] Астеризмнар
- Дракон төбөтө, эбэтэр Ромб — түөрт муннук, β (Растабан), γ (Этамин), ν уонна ξ сулустар киирэллэр.
- Тэбиэн тыһылара — түөрт сулус. Бу сулустар ыккардыларыгар элбэх бытархай сулустар (Тэбиэн оҕолоро) бааллар. μ Dra — бэһис тэбиэн.
- Гиеналар — ι, θ, η (Альдибаин) уонна ζ Dra — түөрт гиена тэбиэннэргэ саба түһэллэр.
[уларыт] Атын объектар
- NGC 6543 (Куоска хараҕа) диэн былыт.
- HIP 56948 биһиги Күммүт копията.
- NGC 5866 (Веретено диэн галактика).
[уларыт] Устуоруйата
Былыргы бөлөх. Клавдий Птолемей «Альмагест» каталогар киирбитэ. Геракл кыайбыт дракона.
[уларыт] Кэтээн көрүү
Арассыыйа территориятыттан толору көстөр. Бу бөлөх Аччыгый Араҥас бөлөҕү тулалыыр.
