Дорҕоонноох киинэ

Дорҕоонноох киинэ диэн ойуута суруллубут дорҕоонноох (саҥа, музыка, тыас, дорҕоон эффектара) киинэ. Бастакы дорҕоонноох киинэни Парижка 1900 сылга көрдөрбүттэрэ. Ол эрэн ол кэмнээҕи ойуу уонна дорҕоон дьүөрэлээһинин технологиялара уонна фонограммалар үлэлэрин уратыктара мөлтөх буоланнар, киинэ оҥоруутун сыаната ыарахан буолан, дорҕоонноох киинэ 1920-с сылларга дылы улаханнык сайдыбатаҕа. 1925 сылга дорҕоону граммофон диискэтигэр суруйан киинэ ойуутун кытта дьүөрэлиир Vitaphone технология үөскээн дорҕоонноох киинэ сайдыыта барбыта. Маҥнайгы дорҕоонноох киинэлэри "саҥарар хартыыналар" (talking pictures, talkies) диэн ааттыыллара. Кинилэр алыс кылгас усталаах этилэр. 1927 сыл алтынньы 6 күнүгэр Джаз ырыаһыта (The Jazz Singer) диэн маҥнайгы уһун толору дорҕоонноох киинэ тахсыбыта. 1930-с сыллар саҕаланыыларыгар дорҕоонноох киинэлэр Холливудка күргүөмнүк уһуллар буолбуттара уонна мантан сылтаан Америка киинэ индустрията аан дойдуга бастаабыта.