Дорҕоон

Бикипиэдьийэ диэн сиртэн ылыллыбыт

Дорҕоон - энергия иһиллэр көрүҥэ. Кытаанах, убаҕас уонна гаас эттиктэр хамсааһыннара долгун буолан тарҕаныыларыттан үөскүүр.

Судургутук маннык ойуулуохха сөп. Икки эттиги (холобур күөс тимир хаппахтарын) бэйэ-бэйэтигэр оҕустахха кинилэр түргэн-түргэнник төттөрү-таары хамсыыллар (вибрация) уонна салгыны ыгаллар (салгын онтон ыгыллар уонна төттөрү тэнийэр), оччоҕо салгын баттааһына улаата-улаата кыччыыр, ол тарҕанан кулгаах барабааннай сарыытын хамсатар, оччоҕо тыас иһиллэр.

Дорҕоон частотаата[уларыт]

Дорҕоон намыһах (гитара, эр киһи модьу куолаһа) уонна үрдүк (флейта, синньигэс дьахтар саҥата) буолар. Эттик хамсааһына төһөнөн түргэн да оччонон таһаарар дорҕооно үрдүк. Маны частота дииллэр. Частотааны Герц (Гц) диэн биирдэминэн кээмэйдииллэр. Биир сөкүүндэҕэ хаста хамсыыр да оччо герцтаах частота диэн ааттанар. Киһи кулгааҕа холобур 16 герцтан 20 000 герцка дылы тыаһы арааран истэр.

Дорҕоон түргэнэ[уларыт]

Дорҕоон салгыҥҥа түргэнэ 1224 км/ч кэриҥэ, ол эрэн тымныыга уонна салгын баттааһына намтаатаҕына бу сыыппара эмиэ кыччыыр.