Гуляев Дмитрий Алексеевич

Гуляев Дмитрий Алексеевич
Төрөөбүт күнэ	1917({{padleft:1917|4|0}})
Төрөөбүт сирэ	Модут нэһилиэгэ, Бүлүү улууһа, Саха уобалаһа
Өлбүт күнэ	10 балаҕан ыйын 1943({{padleft:1943|4|0}}-{{padleft:9|2|0}}-{{padleft:10|2|0}})
Өлбүт сирэ	Петрово, Смоленскай уобалас
Сулууспалаабыт сыллара	1941—1943
Солото	Старшина
Чааһа	1289-с СП, 110-с СД; 331-с СД
Кыргыһыылар/сэриилэр	Аҕа дойду Улуу сэриитэ
Наҕараадалара

Гуляев Дмитрий Алексеевич (1917, Модут нэһилиэгэ, Бүлүү улууһа, Саха уобалаһа — 10.09.1943, Петрово, Смоленскай уобалас) — Аҕа дойду Улуу сэриитин кыттыылааҕа, саха бастакы аатырбыт бэргэн ытааччыта.

Олоҕун олуктара

1917 сыллаахха Модут нэһилиэгэр Бүлүү улууһугар төрөөбүт. 1935 с. Сталин аатынан колхуоска киирбит, бастаан утаа абаҕатыгар биригэдьиир Дьэлиһиэй оҕонньорго суруксуттаабыт, кэлин бэйэтэ биригэдьиир буолбут.

Аармыйаҕа 1941 с. балаҕан ыйын 2 күнүгэр Бүлүү оройуонун военкоматынан ыҥырыллыбыт. Кылгас кэмнээх байыаннай үөрэххэ сылдьан баран 1942 сыл тохсунньутугар Арҕаа фронт 110-с стрелковай дивизиятын кэккэтигэр киирэн бастакы сэриитигэр кыттыбыт. Сыысхала суох ытарын көрөн кулун тутар 30 күнүгэр оптическай прицеллаах бинтиэпкэни туттарбыттар, снайпер буолбут. Сотору кэминэн бойобуой ахсаана 101 кыдыйыллыбыт өстөөххө тиийбит, уордьанынан, мэтээлинэн, «Туйгун снайпер» бэлиэнэн наҕараадаламмыт, командование көмүс чаһыы бэлэхтээбит. Гуляевы батыһан маассабай снайпердар хамсааһыннара саҕаламмыт.

Старшина Гуляев 1943 сыллаахха балаҕан ыйын 10 күнүгэр геройдуу өлбүт. Ити кэмҥэ снайпер бойобуой ахсаана 122 өстөөххө тиийбит. Смоленскай уобалас, Ярцевскай оройуон, Петрово дэриэбинэтигэр көмүллүбүт.

Наҕараадалара

• Кыһыл Знамя уордьана (15.06.1942)
• «Бойобуой өҥөлөрүн иһин» мэтээл (22.05.1942)

Аатын үйэтитии

• Д. А. Гуляев аата Бүлүү улууһун Кыргыдай оскуолатыгар иҥэриллибит.

Сигэлэр

• Список снайперов Великой Отечественной войны
• Саха саарыннара / Л. Г. Николаев, А. Г. Николаев, Ф. Э. Данилов. — Дь.: Кудук, 1998. — ISBN 5-7863-0122-2