Грузин тыла

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
Картвел тылларын тарҕаныыта

Грузи́н тыла (груз. ქართული ენა; картули эна) — картвел бөлөҕөр киирэр тыл, Грузия официальнай тыла, Кавказ хас да омугун литэрэтиирэтин тыла.

Грузин тыла дорҕооҥҥо олоҕурар грузин алпабыытынан суруктаах-бичиктээ. Саҥарар дьон ахсаана — Грузияҕа 4 мөл тахса киһи, атын дойдуларга (сүнньүнэн Арассыыйаҕа, АХШ-ка уонна Түүркийэҕэ) хас да сүүс тыһыынча.

Устуоруйаттан[уларыт | биики-тиэкиһи уларытыы]

476 уонна 483 сыллар ыккардыларыгар — грузин тылынан бастакы литэрэтиирэ айымньыта суруллубут — «Сибэтийэ сарыысса Шушаник эрэйдэниитэ», ааптар Яков Цуртавели.

864 — дьыла чуолкай биллэр саамай былыргы илиинэн суруллубут докумуон («Мравалтави»).

1629 — грузин тылынан бастакы бэчээттэммит кинигэ Риимҥэ тахсыбыт.

1709 — Грузяҕа тахсыбыт бастакы бэчээттэммит кинигэ («Саҥа Кэс тыл»).

1819 — бастакы хаһыат тахсар буолбут («Сакартвелос газети»).

Аныгы литэрэтиирэ тылын сайдыытыгар уһулуччу оруолу Илья Чавчавадзе, Акакий Церетели, Я. С. Гогебашвили, Важа Пшавела оонньообуттара.