Арассыыйа өрөспүүбүлүкэтэ
Арассыыйа өрөспүүбүлүкэтэ (нууч. Российская республика) — Олунньутааҕы өрөбөлүүссүйэттэн Өктөөп өрөбөлүүссүйэтэ буолуор дылы урукку Арассыыйа импиэрийэтин оннугар үөскүү сылдьыбыт судаарыстыба. Официальнайдык Быстах бырабыыталыстыба 1917 сыл балаҕан ыйын 14 күнүгэр уурааҕынан олохтоммута[1].
Алтынньы 24 (сэтинньи 6) күнүгэр Арассыыйа өрөспүүбүлүкэтин быстах Сэбиэтэ быстах бырабыыталыстыба бэрэстээтэлигэр Александр Керенскайга итэҕэйбэтин биллэрбитэ.
Тутула
[уларыт | биики-тиэкиһи уларытыы]Политическэй тутула быстах кэмҥэ тэриллибит уорганнартан турара.
- Арассыыйа Быстах бырабыыталыстыбата ситэриилээх уонна сокуон былаастарын үрдүкү уоргана. Баһылык миниистир-бэрэстээтэл. Дойдуну Бүтүн Арассыыйатааҕы Учредительнэй мунньахха дылы салайыахтаах этэ. Миниистир-бэрэстээтэл — А. Ф. Керенскэй. Бу Быстах бырабыытыластыба Өктөөп өрөбөлүүссүйэтин түмүгэр былаастан туоратыллыбыта;
- Арассыыйа өрөспүүбүлүкэтин Быстах сэбиэтэ — быстах кэмҥэ үлэлиир түмэн, аан бастаан сокуон былааһын салайыахтаах этэ, кэлин Быстах бырабыыталыстыба самалыга эрэ буолбута. Бэрэстээтэл — Н. Д. Авксентьев. Бу сэбиэти РСФСР Норуот хамыһаардырын Сэбиэтэ ыспыта.
Маны таһынан, Быстах бырабыыталыстыба хас да хамыыһыйаны тэрийбитэ, олор Арассыыйа инники кэскиллээх тутулун, ол иһигэр Сүрүн сокуонун оҥоро сатаабыттара.