Саҥыйахтаах

Бикипиэдьийэ диэн сиртэн ылыллыбыт
(Мантан: Саныйахтаах көстө)
Саныйахтаах нэһилиэк Өлүөхүмэ улууһун каартатыгар

Саныйахтаах нэһилиэгэ. Өлүөхүмэ улууһун нэһилиэгэ. Улуус кииниттэн илин диэкки Өлүөнэ устун 184 - 277 км. сытар.

Нэһилиэнньэтин ахсаана 1043 киһи (2007 сыл), ол иһигэр Саныйахтаах — 716, Марха — 189, Маалыкаан — 138 уонна Алексеевка — 15, үксэ бааһынайдар, ону таһынан сахалар, эбэҥкилэр олороллор.

Илин өртүнэн Хаҥалас улууһун кытары чэрчилээх. Олохтоохтор сүрүн дьарыктара оҕуруот аһын үүннэрии. Мэччирэҥнэрэ уонна оттуур сир кэмчи буолан ынах-сүөһү иитиитэ соччо тарҕамматах.

Алексеевка сэлиэнньэ олохтоохторо таба иитиитинэн дьарыктаналлар.

Устуоруйаттан[уларыт | биики-тиэкиһи уларытыы]

  • 1937 сыллаахха Томмот оройуонуттан улахан территориялаах Буотама үрэх тардыыта холбоммута.
  • 1980 сыллаахха Саныйахтаах совхоз Мархатааҕы отделениетигэр хортуоппуй рекорд үүнүүнү ылбыттара гектартан 305 центнер.

Нэһилиэктэн төрүттээхтэр[уларыт | биики-тиэкиһи уларытыы]

  • 1940 сыл бэс ыйын 1 күнүгэр Алексеевка сиригэр Буотама үрэх кытыытыгар Дьикимдэ сэлиэнньэттэн чугас сиргэ көс олохтоох булчут-табаһыт дьиэ кэргэнигэр төрөөбүтэ Калитин Николай Романович — эбэҥки поэта, прозаик, литератураны ырытааччы, Россия суруйааччыларын Сойууһун чилиэнэ

Ылыллыбыт сирэ[уларыт | биики-тиэкиһи уларытыы]

  • Энциклопедия Якутии. — М., 2000.
Саныйахтаах киин уулуссата