Ингер Стивенс
| Ингер Стивенс | |
|---|---|
 Ингер Стивенс, 1967 сыл | |
| Төрөөбүтэ | 1934, алтынньы 18 Стокгольм, Швеция |
| Өлбүтэ | 1970, муус устар 30 Лос Андьелес, Калифорния, АХШ |
| Үлэтин сыллара | 1954–1970 |
Ингер Стивенс (Inger Stevens) диэн Швецияттан төрүттээх АХШ актрисата. Төрөөбүт аата Ингрид Стенсланд (Ingrid Stensland). The Farmer's Daughter телесериалга оруолун иһин 1963 сыллааҕы Көмүс глобус бириэмийэ кыайыылааҕа.
Ингер Стивенс 1934 сыл алтынньы 18 күнүгэр Стокгольмҥа Пер Густаф уонна Лисбет Стенсланнар дьиэ кэргэннэригэр бастакы оҕонон төрөөбүтэ. Алта саастааҕар ийэтэ кыра уолун Петеры илдьэ дьиэтиттэн барбыта. Сотору аҕалара Америкаҕа көһөн барбыта. Ингер уонна быраата Ола эдьиийдэригэр хаалбыттара. 1944 сылга Нью Йорка аҕаларыгар тиийбиттэрэ. Ингер 13 саастааҕар Канзас Манхэттэн хототугар көспүттэрэ. Манна Manhattan High School оскуолаҕа үөрэммитэ. 15 саастааҕар Канзас Ситига көһөн бурлеск шоуларга үлэлээбитэ. 18 сааһыгар Нью Йорка төннөн Actors Studio драма оскуолатыгар үөрэммитэ. Сотору телесериалларга, рекламаларга, спектаклларга уһуллуутун саҕалаабыта. Ингер Стивенс бастаан актриса быһыытынан үчүгэйдик биллибит үлэтэ 1957 сыллааҕы Man of Fire киинэ буолар. Карьератын ордук ситиһиилээх үлэтэ The Farmer's Daughter (1963-1966) телесериал буолар.
Ингер Стивенс иккитэ эргэ тахсыбыта. Бастакы кэргэнэ агена Энтони Сольо (Anthony Soglio) этэ 1955-1957 сылларга. Иккис кэргэнэ Айк Джонс (Ike Jones) диэн актер этэ. 1961 сылга холбоспуттара. Айк Джонс хара киһи буоларын иһин кэргэнниилэрин кистэнэллэрэ.
1970 сыл муус устар 30 күнүгэр Ингер Стивенс Hollywood Hills'ка баар дьиэтигэр куукунаҕа охто сытарын дьукаахтыы олорор дьүөгэтэ Лола Макнелли (Lola McNally) булбута. Суһал көмө массыынатыгар хоспиталга айаннаан иһэн тыына быстыбыта. Стивенс барбитураты иһэн бэйэтигэр тиийиммит диэн Лос Андьелес коронера доктор Томас Ногучи быһаарбыта.
Фильмографията
[уларыт | биики-тиэкиһи уларытыы]Киинэлэр
[уларыт | биики-тиэкиһи уларытыы]- Man on Fire (1957) — Nina Wylie
- Cry Terror! (1958) — Mrs. Joan Molner
- The Buccaneer (1958) — Annette Claiborne
- The World, the Flesh and the Devil (1959) — Sarah Crandall
- The New Interns (1964) — Nancy Terman
- The Borgia Stick (1967, TV) — Eve Harrison
- A Guide for the Married Man (1967) — Ruth Manning
- A Time for Killing (1967) — Emily Biddle
- Firecreek (1968) — Evelyn Pittman
- Madigan (1968) — Julia Madigan
- 5 Card Stud (1968) — Lily Langford
- Hang 'Em High (1968) — Rachel Warren
- House of Cards (1968) — Anne de Villemont
- A Dream of Kings (1969) — Anna
Телесериаллар
[уларыт | биики-тиэкиһи уларытыы]- 1959: Bonanza (The Newcomers эпизод)
- 1960: Twilight Zone (The Lateness of the Hour уонна The Hitchhiker эпизодтар)
- 1961: The Detectives (3x09 эпизод)
- 1963–1966: The Farmer’s Daughter (101 эпизод)
Бродвей пьесалара
[уларыт | биики-тиэкиһи уларытыы]- Debut (1956)
- Roman Candle (1960)
- Mary, Mary (1962)