Гаврильев Иван Иванович
Гаврильев Иван Иванович — Саха өрөспүүбүлүкэтин бастакы үтүөлээх суруналыыһа, биллиилээх публицист уонна уопсастыбаннай диэйэтэл, «Кыым» хаһыат сүрүн эрэдээктэрэ (2008 сылтан[1]).
1966 сыллаахха олунньу 21 күнүгэр Бүлүү улууһун Баппаҕаайытыгар төрөөбүтэ. Аармыйаҕа Монголияҕа сулууспалаабыта. Ол кэннэ Дьокуускайга СГУ-га саха салаатыгар үөрэммитэ. Онтон ыал буолан баран Ленскэй улууһун Бэтинчэтигэр баран учууталлаабыта. Аҕыйах сылынан куоракка көһөн кэлэн «Ил Түмэн» хаһыакка, СӨ Култуура министиэристибэтигэр сүрүннүүр исписэлииһинэн үлэлээбитэ. Онтон «Саха Сирэ» хаһыакка көспүтэ. Ити кэннэ «Ситим» медиа бөлөх, «Кыым» хаһыат хаттаан тэриллибитигэр икки сыл буолан баран 2004 сыллаахха онно көспүтэ.