Боескоров Гаврил Ксенофонтович

Боескоров Гаврил Ксенофонтович (15.01.1915—06.06.1983) — тыл үөрэҕин билимин хандьыдаата, Саха АССР билимин үтүөлээх үлэһитэ, П.А. Ойуунускай аатынан Государственнай бириэмийэ лауреата (1974).

Олоҕун олуктара

1915 сыллаахха тохсунньу 15 күнүгэр Саха АССР Үөһээ Бүлүү улууһугар Сургулуук нэһилиэккэ төрөөбүт.
1942 с. — Саха государственнай педагогическай институтун бүтэрбит.
1942—1949 сс. — орто оскуолаҕа директорынан, нуучча тылын учууталынан, оройуоннааҕы үөрэх салаатын инспекторынан, Бүлүүтээҕи педагогическай училищеҕа үлэлээбит.
1949—1951 сс. — Саха государственнай педагогическай институтугар кэтэхтэн үөрэнии директорын солбуйааччы.
1951—1953 сс. — аспирант.
1953 сылтан — ССРС НА СС Дьокуускайдааҕы филиалын ТЛИ Институтугар препаратор, младшай научнай үлэһит, старшай научнай үлэһит.
1954 с. — тыл үөрэҕин билимнэрин кандидатыгар «Якутская художественная литература в годы Великой Отечественной войны» тиэмэҕэ диссертациятын ситиһиилээхтик көмүскээбит.
1974 с. — өр сылларга үлэлээбит сыралаах үлэтин уонна «Мастерство Н. Е. Мординова» чинчийиитин иһин П. А. Ойуунускай аатынан Государственной бириэмийэ лауреатын аата иҥэриллэр.
1983 сыллаахха бэс ыйын 6 күнүгэр күн сириттэн барбыта.

Г. К. Боескоров аата саха литературатын чинчийии үөрэҕэ тахсыытын, сайдыытын кытта ыкса ситимнээх.

Сүрүн үлэлэрэ

«Якутский народный певец С. А. Зверев» (Якутск, 1956) — монография.
«Роман о весне якутского народа» (Якутск, 1957) — монография.
«Творчество Н. Д. Неустроева» (Якутск, 1959) — монография.
«Якутская художественная литература в годы Великой Отечественной войны» (Якутск, 1960) — монография.
«Развитие жанров прозы в якутской советской литературе» (Якутск, 1961) — монография.
«Мастерство Н. Е. Мординова» (Якутск, 1973) — монография.
«Творчество П. Н. Тобурокова» (Якутск, 1981) — монография.

Сигэлэр

Биобиблиографический справочник Архыыптаммыт 2016, Кулун тутар 4 күнүгэр.