Mobil

Бикипиэдьийэ диэн сиртэн ылыллыбыт

Мобил (Mobil) — ниэби хостуур-таҥастыыр хампаанньа. 1882 сыллаахха «Стандард ойл» диэн Рокфеллердар трестарын сорҕотун быһыытынан тэриллибитэ. Ол саҕана аата «Стандард ойл оф Нью-Йорк» (Standard Oil Co. of New York, кылгастык Socony) этэ. 1911 сылтан — бэйэтин бас билинэр. Массыына бензиинин туттуллуута кэҥээһинэ Socony хампаанньаны Mobiloil диэн атыы мааркатын 1920 бэлиэтииргэ (регистрация) тиэрдибитэ. 1931 сыллаахха Socony уонна Vacuum Oil диэн Америкаҕа ниэби аан бастаан хостообут (1866 тэриллибит) хампаанньаны кытта холбоспута. Socony-Vacuum 1955 сыллаахха Socony Mobil Oil буолбута, онтон 1966 — көннөрү Mobil Oil. 1999 сыллаахха «Мобил» хампаанньа «Эксон» хампаанньаны кытта силбэһэн «Эксон-Мобил» буолбута. Хампаанньаны билигин да Рокфеллердар клааннара хонтуруоллуур.