Cосин Константин Ильич

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Cосин Константин Ильич (1944.09.05) — оҕо суруйааччыта. 1994 сылтан Арассыыйа Суруйааччылар сойуустарын чилиэнэ.

Верхоянскай куоракка зоотехник дьиэ кэргэнигэр төрөөбүтэ. 1964 сыллаахха Мэҥэ Хаҥалас улууһун Бүтэйдээх орто оскуолатын, онтон 1973 сыллаахха СГУ устуоруйа-тыл факультетын кэтэхтэн үөрэнэн бүтэрэр. Мэҥэ Хаҥалас оскуолаларыгар сүүрбэттэн тахса сыл саха тылын уонна литературатын үөрэтэр.

Бастакы хоһооннорун 1957 сыллаахха «Колхоз кырдьыга» диэн улуустааҕы хаһыакка таһаартарбыта. 1983 сыллаахха кыра оҕолорго анаммыт «Бойтоко-ыстана» диэн бастакы кинигэтин таһаарар.

Өрөспүүбүлүкэтээҕи хаһыаттарга, «Чолбон» сурунаалга уонна холбоһуктаах хомуурунньуктарга бэчээттэнэрэ. Бастыҥ айымньылара саха оскуолаларыгар кылаас таһынан ааҕыы пособиеларыгар киирбиттэрэ, сорохторо оҕо литературатыгар анаммыт өрөспүүбүлүкэтээҕи күрэхтэргэ бэлиэтэммиттэрэ. К. Сосин сорох хоһоонноро ньууччалыы тылбаастаммыттара уонна ньууччалыы тыллаах хаһыаттарга тахсыбыттара.

Кинигэлэр[уларыт | биики-тиэкиһи уларытыы]

  • Бойтоно — ыстана. Хоhооннор. — Дьокуускай, 1983.
  • Эбэм, эhэм аахха. Хоhооннор. — Дьокуускай, 1986.
  • Умнуллубат мичээр. Хоhооннор. — Дьокуускай, 1987.
  • Биэлсэр Нарыйа остуоруйалара. Хоhооннор. — Дьокуускай, 1993.

Сигэлэр[уларыт | биики-тиэкиһи уларытыы]