Һатико: Саамай бэриниилээх доҕор

Һатико: Саамай бэриниилээх доҕор (ааҥл. Hachi: A Dog's Tale) кырдьыктыы олоро сылдьыбыт ыт туһунан 2009 сыл драма киинэтэ. 1987 сыл Hachi-kō (ハチ公物語 ({{{2}}}, Hachi-kō (ハチ公物語^?), literally "The Tale of Hachiko") диэн киинэ римейката буолар. Режиссерынан Лассе Халлстром, онтон сценарийын Стивен Линдси буолбуттар. Киинэҕэ Ричард Гир, Джоан Аллен уонна Сара Ремер уһуллубуттара.

Бастакы премьерата 2009 сыл атырдьах ыйын 8 күнүгэр Дьоппуоҥҥа буолбута.

Сүжета

Паркер Уилсон диэн ааттаах университет профессора Японияттан Америкаҕа ыытыллыбыт вокзалга ыт оҕотун булар. Кинини ким да көрдүү кэлбэт, ол иһин ыты бэйэтигэр хаалларар. Ыт профессор дьиэтигэр олорор бириэмэтигэр олус доҕордоһоллор. Саҥа табаарыһыгар олус күүскэ сыһыан үөскүүр. Хас күн аайы үлэтигэр барарыгар Хатико кинини вокзалга дылы атаарар, уонна киэһэ кэлэн көрсөр. Биир күҥҥэ профессор университетка сырыттаҕына сүрэҕэ мөлтөөн өлөн хаалар. Хаһаайынын кэтэспэккэ Хатико хас күн аайы вокзалга көрсө кэлэр.

Ыты профессор аймахтара ыла сатаабыттарын да буоллар, кини син биир станцияҕа төттөрү кэлэр. Станцияҕа үлэлиир дьон Хатикоҕа ас биэрэллэр эбит. Сотору буолан баран журналисттар ол историяны билэн Хатико пресса геройа буолар. Ол да буоллар өлүөн диэри Хатико хас күн аайы станцияҕа кэлэр уонна киэһэ бүтүөр дылы хаһаайына бу поездтан тахсыа диэн кэтэһэр. Ол же станцияҕа бэйэтин олоҕун бүтэрэр.