Үөһээ Бүлүү улууһун гербэтэ

Үөһээ Бүлүү улууһун дьаралыга
Сиһилии
Олохтоммут күнэ-дьыла	2005 сыл кулун тутар 2
ГГР №	1831
Дьаралык ааптара	Бойтунов Т. (Үөһээ Бүлүү)

Саха Өрөспүүбүлүкэтин «Үөһээ Бүлүү улууһа» олохтоох тэриллии гербэтэ — бу олохтоох тэриллии биир дьоһун бэлиэтэ буолар. Герб Үөһээ Бүлүү улууһун Сүбэтин 2005 сыл кулун тутар 2 күнүнээҕи 15—09 №-дээх «Об утверждении герба муниципального района „Верхневилюйский улус (район)“» Быһаарыытынан бигэргэтиллибит.
Российскай Федерация Государственнайй геральдическай регистрын тиһигэр 1831 №-нэн киирбит.

Дьүһүнэ

Дьаралык төгүрүк быһыылаах куйах. Дьаралык халлаан күөх хонуутун ортотугар сахалыы оһуор — кыһыл көмүс өҥнөөх «көҕүөр ойуута» турбут:

• Ойуу ортотугар — баҕаналыы оноҕос туруоруллубут.
• Оноҕостон икки аҥы бэйэ-бэйэлэрин кытта силбиспит сылгы төбөлөрө ойууламмыт, хас биирдии төбөҕө биирдии оҕус муоһа кэтэрдиллибит.
• Оһуор алын өттө сэлиэһинэй куоластарынан киэргэтиллибит.

Дьаралык баһыгар (үөһээ өттүнэн) сэттэ саха аламай таастара (муннуктарыгар туруоруллубут түөрт тэҥ өрүттээх эттиктэр, хас биирдии эттик алта өлүүгэ араарыллыбыт: кириэстии уонна икки бэйэ-бэйэлэригэр тиксэр туһааннар) ууруллубуттар.

Ытык бэлиэ олоҕо

• Муостаах ынах—сүөһү, сэлиэһинэй куоластара — Үөһээ Бүлүү ынах—сүөһү иитиитинэн, тыа хаһаайыстыбатынан дьарыгырар улуус буоларын туоһулуур.
• Икки төбөлөөх сылгы киэргэл ойуута — былаас икки салаата (быыбарданар уонна ситэриилээх былаастар) тэҥ бырааптаахтарын көрдөрөр.
• Оноҕос ойуута — былаастар биир сорукка дьулуруйуулара.
• Сылгылар сиэллэрэ — туораахтаах үүнээйилэр культураларын ыһыы бэлиэтэ.
• Иһинээҕи киэргэл ойуу — бу улуус сырдык кэскилэ — үүнэн иһэр кэнчээри ыччата буолар.
• Сэттэ аламай таастар Саха Сирин гербэтигэр баар аламай таастарга дьүөрэлии ууруллубуттара, Үөһээ Бүлүү улууһун сирэ-уота Саха Өрөспүүбүлүкэтигэр киирэрин көрдөрөр.

Дьаралык ааптардара

• Бойтунов Т. (Үөһээ Бүлүү)

Өссө маны көр

• Үөһээ Бүлүү улууһун былааҕа

Сигэлэр

Официальный информационный портал Республики Саха (Якутия)